Nikolay Straxov

Николай Михайлович Страхов (1900.2(15).4, Волхов шаҳри, ҳозирги Орёл вилояти — 1978, 13.7, Москва] — рус геологи ва геокимёгари, СССР Фанлар академияси академик. (1953), ҳозирги замон назарий литологияси асосчиларидан бири. Асосий илмий ишлари Қора, Каспий, Орол денгизлари, Балхаш кўли, Тинч, Атлантика ва Ҳинд океанларидаги ҳозирги чўкиндилар генезисини аниклашга бағишланган. С. литогенезниж 4 типини аниқлади ва уларнинг Ер тарихидаги эволюсиясини тавсифлади; диагенез, галогенез ва гумид руда ҳосил бўлиши назарияларини ишлаб чиқди; ёнувчи сланецлар, тузлар, темир ва марганец рудалари, оҳақтошдоломитли тоғ жинсларини текширди. С. чўкинди жинслар геокимёси тараққиётига салмоқли ҳисса қўшди, миграция шакллари, қад. сув ҳавзалари, океан, денгиз ва дарёларда Ғе, Мп, Р, В ва бошқа кимёвий элементларнинг тарқалиш қонуниятларини ўрганди.