Nikolay Svinarchuk (askar)
Николай Давидович Свинарчук – Ишчи-деҳқонлар Қизил Армияси фахрийси, Совет Иттифоқи Қаҳрамони, Иккинчи жаҳон уруши қатнашчиси.
| Николай Давидович Свинарчук | ||||||
|---|---|---|---|---|---|---|
| Ҳаёт даври | 1920—1983-йиллар | |||||
| Таваллуди |
1920-йил 20-январ Мирзачўл, СССР | |||||
| Вафоти |
1983-йил 1-январ (62 ёш) Туркистон вилояти, СССР | |||||
| Фуқаролиги |
 СССР | |||||
| Хизматдаги йиллари | 1940—1945 | |||||
| Унвони | Старшина | |||||
| Жанг/уруш | Иккинчи жаҳон уруши | |||||
| Мукофотлари |
| |||||
Биографияси
Николай Свинарчук 1920-йил 20-сентябрда Мирзачўл туманида туғилган. Умумтаълим мактабни тугатгандан сўнг, Ишчи-деҳқонлар Қизил Армияси сафига қабул қилинган. Николай 1942-йилнинг август ойида Иккинчи жаҳон урушида жангга киришган. Жанг мобайнида икки маротаба яраланган[1].
1944-йил кичик сержант Николай Свинарчук Беларус фронти 70-армияси командирининг ёрдамчиси бўлган. 1944-йил 26-июлда Кшна дарёси орқали Биала Подласка шаҳрига етиб бориб, у ердаги жангда иштирок этган. 1944-йил 27-июлда Николайнинг Богукал ҳарбий гуруҳи немисларнинг автомагистралдаги қарши ҳужумини муваффақиятли қайтариб, 1 та бронетранспортёр, 3 та машина ва 150 га яқин душман аскар ва зобитларини йўқ қилишга эришган. 415-пиёда ҳарбий гуруҳ командири Мединсев ушбу ҳолатга қуйидагича таъриф берган[2]:
Кшна дарёсининг шимолий қирғоғидаги немис қўшинлари билан жанг қилиш бўйича топшириқ олдик. Немис аскарлари оғир артиллерия билан туришарди. Гуруҳдаги командир яраланган эди. Шу пайт кичик сержант Николай Свинарчук дарёни биринчи бўлиб кесиб ўтишга қарор қилди. Қўлидаги қуроли билан душман қўшинининг хавфли нуқталарига қаратиб от очди ва гуруҳнинг хавфсизлигини таъминлади...
СССР Олий Совети Президиумининг 1945-йилда қабул қилган 24-сонли буйруғи билан немис босқинчиларига қарши курашда кўрсатган жасорати ва қаҳрамонлиги учун „Совет Иттифоқи Қаҳрамони“ ордени билан тақдирланган. Николай Свинарчук, шу билан бирга „Октябр Инқилоби ордени“, „Ленин ордени“, 2-даражали „Шон-шараф ордени“ ҳамда яна бир қанча орденлар билан мукофотланган[3].
Иккинчи жаҳон уруши якунлангандан кейин, Николай Свинарчук Қозоғистон ССРнинг Ленгер шаҳрига демобилизация қилинган.
1983-йил 1-январда Жанубий Қозоғистоннинг Тўлебий туманидаги Дўстлик қишлоғида вафот этган ва шу ерда дафн қилинган.
Манбалар
- ↑ „Николай Свинарчук“ (ру). Герои страны.
- ↑ „Герой Совецкая Союз“. Қаралди: 7-сентабр 2023-йил.
- ↑ „Свинарчук Николай Давидович“. Памят Народа. Қаралди: 7-сентабр 2023-йил.