Nikolay Yanishevskiy

Николай Андреевич Янишевский (1891.14.8, Украина, Винница вилояти — 1966-йил, 10-декабр, Москва) — муҳандис-гидротехник, техника фанлари доктори (1938), профессор (1933), Ўзбекистонда хизмат кўрсатган фан арбоби (1940), Ўзбекистонда хизмат кўрсатган ирригатор (1950). Петровск қишлоқ хўжалиги академияси муҳандислик факултетини тугатган (1919). 1924-йилгача РСФСР Ер ишлари халқ комиссариати қишлоқ хўжалигини мелиорациялаш бўлимида катта мутахассис, Москва қишлоқ хўжалигини мелиорациялаш институтида катта илмий ходим, Ўрта Осиё ирригация илмий текшириш институтида эксштуатация бўлими бошлиғи, илмий ишлар бўйича директор ўринбосари (1925—35). 1935-йилдан Тошкент ирригация ва қишлоқ хўжалигини механизациялаш инженерлари институтида гидромелиорация системаларини эксплуатация қилиш кафедраси мудири. Янишевский сувдан фойдаланишни режалаштиришнинг назарий асослари ва усулларини ишлаб чиққан (Ўрта Осиёнинг барча ирригация системаларида қўлланади).

Николай Янишевский