Ziyosfera

Nilufar Haeriy

Nilufar Haeriy (fors tili: نیلوفر حائری) eroniy-amerikalik antropolog va tilshunos. U antropologiya kafedrasida professor va Johns Hopkins universitetida islomshunoslik dasturi raisi hisoblanadi.

Hayoti

Nilufar Haeriy bakalavrlik va PhD darajalarini Pensilvaniya universitetida tilshunoslik boʻyicha olgan. Uning jins va til yangilanishi haqidagi dissertatsiyasi William Labov, Gillian Sankoff va Charles Ferguson rahbarligida yozilgan[1][2].

Nilufar Haeriyning 2021-yilda nashr etilgan Say What Your Longing Heart Desires: Women, Prayer, and Poetry in Iran („Sening sogʻingan qalbing nimani xohlasa, shuni ayt: Eronda ayollar, duolar va sheʼriyat“) (Stenford universiteti nashriyoti) kitobi ikki mukofotga sazovor boʻlgan: Din tadqiqotlari boʻyicha Amerika akademiyasining Din tadqiqotlarida mukammallik uchun mukofoti: konstruktiv-reflektiv tadqiqotlar yoʻnalishi boʻyicha va Yaqin Sharq tadqiqotlari assotsiatsiyasining gender va ayollarning kundalik tajribalarini oʻrganish sohasidagi yuksak ilmiy ishlar uchun beriladigan Fatima Mernissiy kitob mukofoti[3].

Nilufar Haeriy Misr va Eron boʻyicha bir qancha kitob va maqolalarning muallifi va hammuallifidir. Uning 1997-yilda chop etilgan birinchi kitobi The Sociolinguistic Market of Cairo: Gender, Class and Education („Qohiraning sotsiolingvistik bozori: jins, sinf va taʼlim“) deb nomlanadi. Misr haqidagi ikkinchi kitobi, Sacred Language, Ordinary People: Dilemmas of Culture and Politics in Egypt („Muqaddas til, oddiy odamlar: Misrda madaniyat va siyosat dilemmasi“), etnografik tadqiqot boʻlib, unda misr arab tili va klassik arab tilining birgalikda mavjudligi oʻrganiladi. Shuningdek, u klassik arab tilining modernizatsiyasini tahlil qiladi va quyidagi savolni oʻrtaga tashlaydi: „Zamonaviy til nima va til bir vaqtning oʻzida ham muqaddas, ham zamonaviy boʻla oladimi?“[4]. Uning hammualliflikda va hammuharrirlikda yozgan asarlari orasida quyidagilar bor: Structuralist Studies in Arabic Linguistics: Charles A. Fergusonʼs Papers, 1954-1994 (A. Belnap bilan, 1997); New Perspectives in Arabic Linguistics (E. Bannamoun va M. Eid bilan, 1998); Langue, Religion, et Modernité dans l’Espace Musulman (C. Miller bilan, 2008).

Nilufar Haeriy 2015–2016-yillarda Stenford gumanitar tadqiqotlar markazida Marta Sutton Weeks stipendiyasi sohibasi boʻlgan[5]. Nilufar Haeriy, shuningdek, 2015–2016-yillarda Guggenheim stipendiyasi sohibasi boʻlgan[6][7].

Nilufar Haeriy 2019-yilda professorlar Anne Eakin Moss va Narges Bajoghli bilan birgalikda „Ommaga taklif: Rossiya va Eron inqiloblari va ularning ishontirish sanʼatlari“ nomli loyihasi uchun Johns Hopkins Discovery Award mukofotini qoʻlga kiritgan[8].

Nashrlari

  • 2021: Say What Your Longing Heart Desires: Women, Prayer & Poetry in Iran. Stenford universiteti nashriyoti.
  • 2011: Sacred Language, Ordinary People kitobining arab tiliga tarjimasi, arabcha soʻzboshi bilan. Misr Madaniyat vazirligi, Tarjima milliy markazi. Tarjimon: Ilham Eidarous.
  • 2008: Langue, religion et modernité dans l’espace Musulman. Mehmon-muharrir: Ketrin Miller bilan hammuharrirlikda. Revue des mondes musulmans et de la Méditerranée (REMMM) jurnalining maxsus soni.
  • 2003: Sacred Language, Ordinary People: Dilemmas of Culture and Politics in Egypt. Palgrave Macmillan, Nyu-York. 2007-yilda qayta nashr etilgan.
  • 1998: New Perspectives in Arabic Linguistics. Filadelfiya, Amsterdam: John Benjamin Publishers. N. Hoeri, A. Benamoun va M. Eid tomonidan hammuharrirlik qilingan.
  • 1997: Structuralist Studies in Arabic Linguistics: Charles A. Fergusonʼs Papers, 1954-1994. Semit tillari va tilshunosligi boʻyicha tadqiqotlar, Leyden, Nyu-York, Kyoln: E. J. Brill. K. Belnap bilan hammualliflikda yozilgan va hammuharrirlik qilingan.
  • 1997: The Sociolinguistic Market of Cairo: Gender, Class, and Education. London, Nyu-York: Kegan Paul International.

Manbalar

  1. ↑ Daniels, Becky „index.html“. anthropology.jhu.edu. 2015-yil 18-martda asl nusxadan arxivlangan. Qaraldi: 2016-yil 12-fevral.
  2. ↑ Haeri, Niloofar (January 1991). Sociolinguistic variation in Cairene Arabic: Palatalization and the by Niloofar Haeri. pp. 1–236. http://repository.upenn.edu/dissertations/AAI9125661/. Qaraldi: 2016-02-12. Nilufar Haeriy]]
  3. ↑ https://www.niloofarhaeri.com/
  4. ↑ Haeri, Niloofar. Sacred Language, Ordinary People, 2003. DOI:10.1057/9780230107373. ISBN 978-0-312-23897-1. 
  5. ↑ Anonymous „Humanities Center Names 2015-16 Fellows“. Stanford Humanities. 2016-yil 6-fevralda asl nusxadan arxivlangan. Qaraldi: 2016-yil 12-fevral.
  6. ↑ „Biography“.
  7. ↑ „Niloofar Haeri – John Simon Guggenheim Memorial Foundation…“.
  8. ↑ „Johns Hopkins Discovery Awards: 2019 Awardees“. 
"https://new.ziyosfera.uz/ziyo/Nilufar_Haeriy" dan olindi