Ziyosfera

Nina Sublatti

Нино Сулаберидзе (грузинча: ნინო სულაბერიძე; 1995-йил 31-январда туғилган), Нина Сублатти тахаллуси билан танилган — грузиялик хонанда, қўшиқ муаллифи ҳамда модел ҳисобланади.

Нина Сублатти
Sublatti 2015-yilda
Сублатти 2015-йилда
Умумий маълумот
Таваллуди Нино Сулаберидзе
1995-йил 31-январ (1995-01-31) (31 ёш)
Москва, Россия
Фаолият йиллари 2008–ҳозиргача
Ҳамкорлиги
Веб-сайт нинасублатти.cом

Сублатти Грузия номидан „Эуровисион–2015“ танловида „Wарриор“ қўшиғи билан иштирок этиб, 51 очко билан 11-ўринни эгаллаган[1][2]. У, шунингдек, „Идолс“ лойиҳасининг грузинча талқинининг 2013-йилги мавсумида ғолибликни қўлга киритган[3][4]. 2016-йилда эса Сублатти „Х Фаcтор Георгиа“ лойиҳасида ҳакам сифатида фаолият юритган, кейинчалик Идолс дастурининг грузинча версиясида ҳам ҳакамлар ҳай’ати аъзоси сифатида иштирок этган.

Ҳаёти ва карераси

Ёшлик йиллари

Сублатти 1995-йил 31-январда Россиянинг Москва шаҳрида грузин оилада туғилган. Унинг асл исми Нино Сулаберидзе ҳисобланади[5]. Туғилганидан кўп ўтмай оиласи билан биргаликда Грузияга қайтган. Сублатти болалик йилларининг маълум қисмини Латвиянинг Рига шаҳрида ҳам ўтказган[6].

2008-йилда у моделлик агентлиги билан шартнома имзолаб, модел сифатидаги фаолиятини бошлаган. 2009-йил бошида эса мода кузатувчилари ҳамда моделлик агентликлари томонидан нуфузли журналлар учун суратга тушишга таклиф этилган. Сублатти модел сифатидаги фаолияти билан бир қаторда Грузия бўйлаб саҳна чиқишларини ҳам амалга оширган ҳамда Тҳе Минс каби гуруҳлар билан ҳамкорлик қилган[7].

2011-йилда у Георгиан Дреам Студио мусиқа маркази билан ишлашни бошлаган ва шу даврда хонанда Бера Иванишвили билан ҳам ижодий ҳамкорлик олиб борган[8].

2013-2014-йиллар: Идол лойиҳасида иштирок ва илк албоми

2013-йилда Сублатти „Идолс“ лойиҳасининг грузинча талқинида ғолиб деб топилган. Орадан бир йил ўтиб у „Даре то Бе Нина Сублатти“ номли илк студиявий албомини оммага тақдим этган. Мазкур албом кейинчалик Грузия тарихидаги энг кўп сотилган мусиқий албомлардан бирига айланган[8].

Тўпламдаги бешта қўшиқ машҳур асарларнинг кавер талқинидан иборат бўлган. Уларнинг орасида Сублатти Сакартвелос Варсквлави дастурида ижро этган „Блуэ Жеанс“ ҳамда „Унинвитед“ қўшиқлари ҳам ўрин олган.

Эуровисион-2015

Сублаттининг илк албоми муваффақият қозонганидан сўнг, 2014-йил декабр ойида у „Wарриор“ қўшиғи билан Грузия номидан „Эуровисион–2015“ танловида иштирок этиш учун сараланган беш нафар номзод қаторига киритилган. 2015-йил 14-январда ўтказилган маҳаллий финал босқичида Сублатти ғолиб деб эълон қилинган[2][9]. У томошабинлар овозининг 38,1 фоизини қўлга киритган ҳамда профессионал ҳакамлар ҳай’атидан 21 балл олган. Томошабинлар учун овоз бериш жараёни 2015-йил 1-январдан 14-январга қадар давом этган.

Шундан сўнг Сублатти „Эуровисион–2015“ танловига тайёргарлик жараёнида Тҳомас Г:сон ҳамда Сача Жеан-Баптисте билан ҳамкорлик қилган. У 19-май куни ярим финал босқичида „Wарриор“ қўшиғини ижро этиб, 98 очко билан тўртинчи ўринни эгаллаган ҳолда финалга йўл олган. Финал босқичида эса 51 очко жамғариб, 11-натижани қайд этган[10].

„Эуровисион–2015“ финалидан кейин „Wарриор“ қўшиғи Европанинг бир қатор мамлакатлари мусиқий рейтингларидан жой олган. Ирландияда қўшиқ энг яхши 50 талик рўйхатига кириб, 44-ўринга қадар кўтарилган. Украинада эса энг яхши 40 таликдан жой олган бўлса, Россияда 29-ўринга қадар етган. Туркияда эса қўшиқ иккинчи поғонагача кўтарилган.

Шахсий ҳаёти

Сублатти ўзининг энг катта мусиқий илҳом манбалари сифатида Жанис Жоплин, Бриан Молко ҳамда Бжöркни тилга олган. У танасидаги бир нечта татуировка эскизларини мустақил равишда яратган[11]. Сублатти грузиялик трубачи Георге Шаманаури билан турмуш қурган бўлиб, улар айрим мусиқий лойиҳаларда ҳамкорлик ҳам қилган[12]. Жуфтликнинг Алекс исмли илк фарзанди 2020-йилда дунёга келган.

Манбалар

  1. ↑ „Георгиа 2015: листен то тҳе фиве сонгс; вотинг опенс“. Виэнна 2015 Эуровисион. 2015-йил 4-январда асл нусхадан архивланган. Қаралди: 2015-йил 4-январ.
  2. ↑ 2,0 2,1 Грангер, Антҳонй „Георгиа: Нина Сублатти Ис Офф То Эуровисион“. Эуровоих.cом (2015-йил 14-январ). Қаралди: 2015-йил 14-январ.
  3. ↑ „ნინა სუბლატის ჩაცმულობა "საქართველოს ვარსკვლავის" ფარგლებში“ (ка). ангел.ге (2013-йил 2-июл). 2015-йил 6-февралда асл нусхадан архивланган. Қаралди: 2015-йил 14-январ.
  4. ↑ „საქართველოს ახალი ვარსკვლავი ყავს -ნინა სუბლატი“ (ка). интермедиа.ге (2013-йил 2-июл). 2024-йил 10-декабрда асл нусхадан архивланган. Қаралди: 2015-йил 14-январ.
  5. ↑ „ნინა სუბლატი საკუთარ ნამდვილ გვარს გვიმხელს“ (ка). интермедиа.ге (2013-йил 24-июн). 2015-йил 15-февралда асл нусхадан архивланган. Қаралди: 2015-йил 14-январ.
  6. ↑ „ЭСCКАЗ ин Амстердам: Интервиэw wитҳ Нина Сублатти (Георгиа)“. ЁуТубе (2015-йил 18-апрел). Қаралди: 2015-йил 19-апрел.
  7. ↑ „Нина Сублатти Спиритуал феат. Тҳе Минс - Ревиэw анд оффиcиал аудио“ (2017-йил 5-феврал).
  8. ↑ 8,0 8,1 Мамсикашвили, Резо „ГЕОРГИА: ГЕТ ТО КНОW НАТИОНАЛ СЕЛЕCТИОН ФИНАЛИСТ НИНА СУБЛАТТИ“. Wиwиблоггс.cом (2014-йил 25-декабр). 2016-йил 3-мартда асл нусхадан архивланган. Қаралди: 2015-йил 4-январ.
  9. ↑ Мамсикашвили, Резо „ГЕОРГИА: ГПБ АННОУНCЕ ТҲЕ ФИВЕ ФИНАЛИСТС ФОР НАТИОНАЛ СЕЛЕCТИОН“. Wиwиблоггс.cом (2014-йил 23-декабр). 2016-йил 3-мартда асл нусхадан архивланган. Қаралди: 2015-йил 4-январ.
  10. ↑ Мамсикашвили, Резо „ГЕОРГИА: САCҲА ЖЕАН-БАПТИСТЕ АНД ТҲОМАС Г:СОН WИЛЛ WОРК WИТҲ НИНА СУБЛАТТИ“. Wиwиблоггс.cом (2015-йил 28-январ). Қаралди: 2015-йил 28-январ.
  11. ↑ Мамсикашвили, Резо „ЭХCЛУСИВЕ: НИНА СУБЛАТТИ CҲАТС WИТҲ WИWИБЛОГГС АБОУТ ГЕОРГИА'С ЭУРОВИСИОН СЕЛЕCТИОН“. Wиwиблоггс.cом (2015-йил 3-январ). Қаралди: 2015-йил 4-январ.
  12. ↑ Мамсикашвили, Резо „Листен: Нина Сублатти Релеасес Неw Синглес "Висион оф Минд"“. wиwиблоггс.cом. Wиwиблоггс (2016-йил 29-июн).
Викиомборда „Нина Сублатти“ мавзуси бўйича медиафайллар бор. 
"https://new.ziyosfera.uz/ziyo/Nina_Sublatti" dan olindi