Niobatlar

Ниобатлар — ниобат кислота тузлари. Н. жумласига мета — МеНбО3 ва орто — Ме3Нб04, пиро — Ме4Нб207 ва полиниобатлар Ме2ОнНб2О5 киради. Бу ерда Ме — бир валентли катион, п=2н-1,2. 2, 3, 4 валентли металларнинг Н. и ҳам маълум. Ранги қора, баъзан сариқ, қизғиш ва қўнғир-қора. Ишурий ва ишқорий-ер металларнинг Н. и иссиққа чидамли моддалар. Улар юқори температурада суюкланади (Мас, НаНбО31417° да, КНбО3 1039° да суюқланади). Н.нинг табиий бирикмалари (таркибида ниобий бўлган мураккаб минераллар) кўпинча пегматитлар ва гранитларда дала шпатлари (асосан, албит) билан бирга учрайди. Н. гуруҳига илменорутил, пирохлор, эшинит каби минераллар ҳам киради. Ишқорий металлар ва баъзи металларнинг Н.и сувда оз эрийди. Кўпчилик металларнинг Н.и сегнетоэлектрик ва пезоэлектрик хоссаларни намоён қилади. Шунинг учун улардан керамик сегнетоконденсаторлар ва пезоэлектр кучайтиргичлар тайёрланади.