Noradrenalin

Норадреналин, норепинеф рин, артеренол, аминоэтанол-пирокатехин — буйрак усти бези мия моддаси гормони; нерв системаси медиатори (яна қаранг Медиаторлар). Кимёвий тузилишига кўра, катехола-минларга мансуб. Н. адреналин аналоги ва организмда унинг ўтмишдоши ҳисобланади. У, асосан, симпатик нерв системасининг (қаранг Вегетатив нерв системаси) адренергик нейронларидан ажралади ва медиатор вазифасини ўтайди. Н.нинг қондаги миқдори нерв системаси ҳолатининг (тонуси ва реактивлиги) кўрсаткичи бўлиши мумкин. Н. тиббиёт амалиётида қон босими пасайганда, шок, қон йўқотиш билан боғлиқ ҳолатларда қўлланади. Н. синтез йўли билан олинади.