Nosir Otaboyev

Зиёсферада исми Носир ва фамилияси Отабоев бўлган бошқа кишилар ҳақида ҳам мақолалар мавжуд.

Носир Аминжонович Отабоев (1938-йил, 8-декабр, Фарғона) — реж., Ўзбекистон (1983) ва Қорақалпоғистон Республикаси (1999) санъат арбоби. Тошкент театр ва рассомлик санъати институтини тугатган (1965). Ҳамза театрида режиссёр (1965—69), Фарғона театрида (1970—86), Сатира театрида (театр ташкилотчиларидан; 1986—88), Муқимий театрида бош режиссёр (1988—91; 1994—96), режиссёр (1996—2001). "Оқ кабутар" (Ф. Мусажонов), "Вероналик икки йигит" (У. Шекспир), "Бўрон қуши" (Р. Ишмуродов), "Мирзо Улуғбек" (М. Шайх-зода) ва бошқа О. саҳналаштирган (Ҳамза театрида) дастлабки спектакллардир. Фарғона театрида "Кумуш туй" (3. Фат-хуллин; Ик. Акбаров), "Яйлов тонги" (Тамкин; С. Ҳайитбоев), "Олтин девор" (Э. Воҳидов), "Завқий" (Қ. Маҳкамов; С. Ҳайитбоев), "Танбур ноласи" (М. Халил; Ҳ. Раҳимов), "Парвоз" (Уйғун), "Бир ўликка бир тирик" (А. Иброҳи-мов), "Инсонликка номзод" (Ў. Умар-беков), "Ўтган кунлар" (А. Қодирий); Муқимий театрида "Гул ва Наврўз" (С. Абдулла; Т. Жалилов), "Мушкул савдо" (М. Бобоев; С. Ҳайитбоев), "Башорат" (Э. Самандар; С. Ҳайитбоев) сингари спектакллар, болалар учун бир қанча мусиқали эртакларни саҳналаштирди. Сатира театри у саҳналаштирган "То-бутдан товуш" (А. Қаҳҳор) спектакли билан очилган. Кейинроқ "Темир хотин" (Ш. Бошбеков), "Сабил қолди" (Ф. Мусажонов), "Гап эгасини топади" (С. Аҳмад, О. Фармон, Н. Отабоев) каби сатирик комедияларни саҳналлаштирди. 1992-йилдан ҳар йили республикамизда ўтказиладиган Мустақиллик ва Наврўз байрамлари, шаҳар ва шахслар юбилейлари, театр ва қўшиқ фестивалларини ўтказиш томошаларини саҳналлаштиришда катта ҳисса қўшиб келмокда.