Nozigardon

Нозигардон (форс. — бўйин безаги) — заргарлик буюми; аёлларнинг бўйинга тақадиган тақинчоғи. Н. марказий турунж, унинг 2 ёнидан 2 та дан 4 та мурабба шаклли, 1 тадан учбурчак шаклли япроқчаларнинг ўзаро 5—6 қаторли занжирлар билан бир маромда маълум ораликда бирикишидан ҳосил бўлади; япроқчаларнинг ён томонларига балиқ ва бошқа шаклли шокилалар осилади. Турунж ва япроқчалар бир томонлама сиркори усулида ишланиб, ўсимликсимон нақшлар билан безатилади, баъзан кўзлар қадалади. Марка-зий турунжга бир-бирига қараб турган қанотларини ёзаётган икки қуш шакли ўрнатилади. Самарқандлик усталар ясаган Н. енгил кўринишга эга; турунж ва япроқчалар панжарали (тўрсимон) усулда ясалиб, зиғираклар, баъзан феруза кўзлар билан зийнатланган.