Nuakshot

Нуакшот — Мавритания пойтахти. Мамлакатнинг иқтисодий ва маданий маркази. Атлантика океани соҳилида. Иқлими тропик чўл иқлими. Январда ўртача температура 21°, июлда 28°. Йилликёғин 150 мм. Аҳолиси 667 минг киши (1999), асли барбар арабларидан келиб чиққан маврлар.

Нуакшот ХВИИ асрда португал мустамлакачиларнинг ҳарбий қалъаси ёнида вужудга келган. Кейинрок, франсузларнинг Мавританияни босиб олишда асосий таянч базаларидан бўлди. 1950-йилда Сенегал дарёсининг кучли тошқинидан Нуакшот бутунлай вайрон бўлган. 1957-йилда ундан 1 км шим.роқда шу номда янги шаҳар бунёд этилди. 1958-йилда мамла-кат пойтахти Сен-Луидан (Сенегал) Нуакшотга кўчирилди.

Нуакшот — денгиз порти. Аэропорти халқаро аҳамиятга эга. Саноати озиқ-овқат, ёғочсозлик, металлсозлик, кичикроқ кемалар қурувчи верфлар, ишқор фабикаси, босмахона, денгиз сувини чучу-тувчи қурилма, майда ҳунармандчилик корхоналари ва устахоналаридан ибо-рат. Университет, Миллий кутубхона, иссиқлик электр стансияси бор. Меъморий бинолардан Президент саройи, Адлия саройи, Миллий мажлис бинолари қурилган.