Oʻzbekcha Vikipediyadan (UzWiki) 100% asl holatida import qilindi.
Oʻzbekcha Vikipediyadan (UzWiki) 100% asl holatida import qilindi.

$2, $3 dagi (joriy) koʻrinishi

Nuriya Sultona Solihiy
Taʼlimi Kobul universiteti
Mukofotlari

Viktoriyalik eng yaxshi avstraliyalik (2012)

Viktoriya ayollari faxriy roʻyxati (2021)

Nuriya Sultona Solihiy – afgʻon-avstraliyalik yadro fizigi, biofizik va gumanitar faol. Afgʻoniston Avstraliya taraqqiyot tashkilotining asoschisi.

Yoshligi va taʼlimi

[tahrir | manbasini tahrirlash]

Solihiy Afgʻonistonda tugʻilgan va Kobul universitetida taʼlim olgan. Keyinchalik Fransiyaning Lion shahridagi Claude Bernard universitetida oʻqib, PhD darajasini qoʻlga kiritgan[1].

Solihiy dastlab Kobulda yadro tibbiyoti sohasida ishlagan, ammo 1981-yilda Sovet Ittifoqining Afgʻonistonga bostirib kirishidan sal oldin Avstraliyaga koʻchib ketgan[2].

1983–2017-yillar davomida Melbourne Health tizimida yadro fizigi va biofizik sifatida ishlagan[3]. Soʻnggi yillarda Melbourne Qirollik shifoxonasining yadro tibbiyoti boʻlimida faoliyat yuritgan[1].

2001-yilda Solihiy Afgʻoniston Avstraliya taraqqiyot tashkilotiga asos solgan va hozirgacha ijrochi direktori[3]. Shuningdek, Afgʻoniston Avstraliya Volontyorlar Assotsatsiyasini ham tashkil etgan va 2002—2006-yillarda ushbu tashkilot prezidenti boʻlgan[3]. Bundan tashqari, turli qochqinlar, diniy hamkorlik (ekumenik) va inson huquqlari bilan shugʻullanuvchi tashkilotlar qoʻmitalarida ham faol ishtirok etgan[3].

1997-yilda Solihiy Avstraliya ordeni medali bilan taqdirlangan. Bu mukofot unga afgʻon jamoasi, qochqinlar va ayollarni qoʻllab-quvvatlash guruhlari orqali inson huquqlariga qilgan xizmatlari uchun berilgan[4].

2001-yilda Centenary Medal bilan mukofotlangan[5].

2019-yilda Avstraliya kuni mukofotlari marosimida Avstraliya ordenining aʼzosi darajasiga koʻtarilgan. Bu mukofot unga afgʻon, muhojir va qochqin jamoalariga qilgan muhim xizmatlari uchun berilgan[6].

2012-yilda Solihiy „Viktoriyalik eng yaxshi avstraliyalik“ unvoniga sazovor boʻlgan[7]. 2021-yilda Viktoriya ayollari faxriy roʻyxatiga kiritilgan[8].

Solihiy 1997-yildan beri Avstraliya ordeni assotsiatsiyasining umrbod aʼzosi hisoblanad[1]. Shuningdek, u 2012-yildan buyon Avstraliya kuni elchisi sifatida ham faoliyat yuritib kelmoqda[3].

  1. ↑ 1,0 1,1 1,2 Sharwood, Jenny „Dr Nouria Salehi AM, Founder & Executive Director“ (en-US). Afghan Australian Development Organisation. Qaraldi: 2021-yil 19-dekabr.
  2. ↑ „Dr Nouria Salehi OAM“. Australian of the Year. 2021-yil 19-dekabrda asl nusxadan arxivlangan. Qaraldi: 2021-yil 19-dekabr.
  3. ↑ 3,0 3,1 3,2 3,3 3,4 „Member (AM) in the General Division of the Order of Australia“. Governor-General of Australia. Qaraldi: 2021-yil 19-dekabr.
  4. ↑ „Dr Nouria Sultana Fazel Salehi“. It's an Honour. Qaraldi: 2021-yil 18-dekabr.
  5. ↑ „Dr Nouria Sultana Salehi“. It's an Honour. Qaraldi: 2021-yil 18-dekabr.
  6. ↑ „Dr Nouria Sultana Salehi OAM“. It's an Honour. Qaraldi: 2021-yil 18-dekabr.
  7. ↑ „Dr Nouria Salehi AM“ (en). Victorian Government. Qaraldi: 2021-yil 18-dekabr.
  8. ↑ „Outstanding Victorian Women Recognised“ (en-AU). Mirage News (2021-yil 12-noyabr). Qaraldi: 2021-yil 19-dekabr.