Ўлчаш генератори — радиотехника қурилмаларини синаш ва созлаш учун кичик қувватли электр тебранишларини ҳосил қиладиган (генерациялайдиган) асбоб. Тузилиши сигналларнинг турига (импулсли, синусоидал ва махсус шаклли) ва ҳосил қилинадиган частоталар диапазонига боғлиқ бўлади. Турлари: паст (товуш) частотали генераторлар, стандарт сигналлар генератори, оддий сигналлар генератори, видеочастоталар генератори, импулслар генератори. Ў. г., асосан, частоталар диапазони кенг бўлган ўзгарувчан ток манбаи сифатида ишлатилади.