OKMK (stadion)
АГМК стадиони — Ўзбекистоннинг Тошкент вилояти, Олмалиқ шаҳридаги кўп мақсадли стадион. Бу маҳаллий АГМК футбол клубининг уй аренасидир. Олмалиқ шаҳрининг жануби-шарқида, Рашидов ва Гагарин кўчалари чорраҳасида жойлашган. Ҳозир у футбол ўйинлари учун, асосан, „АГМК“ футбол клуби томонидан бир нечта мусобақаларда қўлланади. Стадион 12.000 томошабинга мўлжалланган.[1]
| ОКМК стадиони | |
|---|---|
 | |
| Жойи |
 Ўзбекистон, Тошкент вилояти, Олмалиқ |
| Асос солинган | 2011-йи |
| Қачон қурилган | 2014-йил |
| Қачон очилган | 16-март 2012 |
| Қачон таъмирланган | 2018-йил |
| Эгаси | „Олмалиқ КМК“ („ОКМК“) АЖ |
| Оператор | Ўзбекистон футбол федерацияси |
| Юзаси | табий чим |
| Асосий пудратчилар | АГМК ОАЖ қурилиш трести |
| Ҳажми | 12.000 |
| Майдон ўлчами | 105м х 68м |
| Майдон эгалари | |
| АГМК ФК | |
Тарихи
Мажмуа 2011-2014-йилларда қурилган. 2014-йил 16-март куни[2] бир қатор юқори мартабали амалдорлар иштирокида тантанали равишда очилган ва шу куни ушбу стадионда Ўзбекистон Олий лигаси доирасидаги „Олмалиқ“ ва „Металлург“ клублари ўртасида илк расмий ўйин бўлиб ўтган (3:2).
Тавсифи
Стадион 13 гектар майдонни эгаллаган ОКМК спорт мажмуаси таркибига киради. Бу стадиондан ташқари, мини-футбол (футзал), баскетбол, қўл тўпи, волейбол, бокс, гимнастика, енгил атлетика, жанг санъати, теннис кортлари, сунъий футбол майдончалари учун трибуналарга эга иккита ёпиқ спорт аренаси мавжуд.
2013-йилда фойдаланишга топширилган спорт мажмуаси халқаро стандартларга жавоб беради. Республикамизда ягона гибрид майдон ҳисобланган ўйингоҳда 12 минг сонли мухлисни ўз бағрига сиғдира оладиган катта футбол майдони мавжуд. Ушбу футбол майдони 105х79 метрни ташкил қилади. Ўйингоҳда ҳар бири 30 нафардан футболчи ва мураббийларга мўлжалланган жами тўртта кийим алмаштириш хонаси спортчилар хизматида. У ерда юмшоқ ўриндиқлар, кийим-кечаклар учун махсус шкаф, ювиниш хонаси, массаж хонаси ва бошқа қулайликларга эга зарур шароитлар яратилган.
Стадион 2014-йилда қурилган. 12 000 томошабин учун мўлжалланган. Яқин атрофда иккита зал-модул мавжуд. Улардан бирида: футзал, баскетбол, волейбол ва қўл тўпи бўйича жамоавий спорт турлари вакиллари шуғулланади. Иккинчисининг усталари жангчилар: боксчилар, таэквондо, карате, дзюдо, самбо ва курашчилар, эркин ва классик курашчилар бўлади. Мажмуа, шунингдек, очиқ ва ёпиқ теннис кортлари, сунъий қопламали футбол майдонини ўз ичига олади.
ОКМК спорт мажмуаси стадиони Ўзбекистондаги энг замонавий стадионлардан бири ҳисобланади. Бу ер тўртта кийиниш хонаси, замонавий душ, массаж хонаси, тиббиёт ходимлари хонаси, допинг назорати хонаси, судялар ва комиссарлар хонаси, бошқа ёрдамчи хоналар, ОАВ ва телевидение вакиллари учун шароитлар, замонавий матбуот анжумани зали, ОАВ трибуна, ВИП ва CИП жойлари, ногиронлар учун жойлар, замонавий электрон табло, акустика ва ёритиш жиҳозлари билан таъминланган.
Ушбу стадиондан 850 метр ғарбда Олмалиқ шаҳридаги иккинчи йирик арена — 1960-йилда очилган ва 11.000 томошабинга мўлжалланган „Металлург“ стадиони бўлиб, АГМК (ўша пайтда Олмалиқ деб аталган) 2014-йилгача ўз уй учрашувларини ўтказган.[3]
Яна қаранг
Манбалар
- ↑ „ОКМК спорт мажмуаси майдони келаси мавсум тўлиқ янгиланади“. 2023-йил 16-майда асл нусхадан архивланган. Қаралди: 2023-йил 16-май.
- ↑ „Олмалиқдаги янги стадион очилиши 15 март куни бўлиб ўтади“ (17 фев 2014). 2022-йил 11-августда асл нусхадан архивланган. Қаралди: 2022-йил 11-август.
- ↑ „"Олмалиқ" стадионининг бугунги кундаги ҳолати (ФОТО)“. 2023-йил 2-апрелда асл нусхадан архивланган. Қаралди: 2023-йил 2-апрел.