Odil Abdurahmon: Versiyalar orasidagi farq

Odil Abdurahmon (Odiljon Abdurahmonov, 1944-yil, Maʼmurobod qishlogʻi, Qoʻrgʻontepa tumani, Andijon viloyati, Oʻzbekiston SSR – 2023-yil 30-yanvar) – bolalar shoiri, Oʻzbekiston Yozuvchilar uyushmasining aʼzosi (1978-yil). „Mehnat faxriysi“ koʻkrak nishoni sohobi (2022-yil).

Odil Abdurahmon 1944-yilda Andijon viloyatining Qoʻrgʻontepa tumanidagi Maʼmurobod qishlogʻida tavallud topgan. 1962—1969-yillarda Andijon davlat pedagogika institutining filologiya fakultetida tahsil olgan. 1962—1965-yillarda harbiy xizmatda boʻlgan. Mehnat faoliyatini 1969-yilda Andijon viloyat komsomol komiteti xodimi vazifasidan boshlagan. Shundan soʻng, 1969—1971-yillarda Andijon radiosida muxbir, muharrir, 1979—1984-yillarda O‘zbekiston teleradiokompaniyasi Fargʻona vodiysi boʻyicha muxbiri, 1991—1996- yillarda Fargʻona vodiysi Oltin vodiy gazetasida bosh muharrir boʻlib ishlagan. 1978-yildan Oʻzbekiston Yozuvchilar uyushmasi aʼzosi^[1].

Odil Abdurahmon 2022-yilda „Mehnat faxriysi“ koʻkrak nishoni bilan taqdirlangan.

Odil Abdurahmon „Quvnoq bolalar“, „Salom, quyosh“, „Oyga remont tusharmish“, „Ildiz nima deydi?“, „Azim kichik armiyasining xazinasi“, „Quyoshni yumalatib“, „Bolalik qolgan joylar“, „Oʻzbeklar yurti“, „Miltiq otilmadi“, „Chandiqli kishi“, „Jalolobod tomonlarda“ kabi kitoblari chop etilgan^[2].

Odil Abdurahmon 2023-yil 30-yanvar kuni 80 yoshida vafot etgan^[3].

• „Mehnat faxriysi“ koʻkrak nishoni (2022-yil).