Odil Shokirov

Ziyosferada ismi Odil va familiyasi Shokirov boʻlgan boshqa kishilar haqida ham maqolalar mavjud.

Odil Sharipovich Shokirov (1908.14.9 Toshkent —1986.1.12) - ortopedtravmatolog, Oʻzbekistonda xizmat koʻrsatgan fan arbobi (1974). Tibbiyot fanlari doktori (1967), professor (1971). Toshkent tibbiyot akademiyasi davolash fakultetini tugatgach (1935), Samarqand viloyati Paxtakor tuman sogʻliqni saqlash boʻlimining boshligʻi va poliklinikada bosh vrach (1936—39), Oʻzbekiston ortopediya, travmatologiya va suyak sili kasalliklari ilmiy tadqiqot institutida kichik ilmiy xodim (1939—41), urush qatnashchisi (1941—45), Toshkentdagi 3336evakogospital boshligʻi (1945—46), Oʻzbekiston Travmatologiya va ortopediya ilmiy tadqiqot institutida kichik (1946—53), katta ilmiy xodim, travmatologiya boʻlimi mudiri (1954), shu institut direktori (1954—61), travmatologiya boʻlimi ilmiy rahbari (1961—69), 1969-yildan ilmiy ishlar boʻyicha direktor oʻrinbosari. Ilmiy ishlari odamning skelet suyaklaridagi tugʻma nuqsonlarning oldini olish hamda konservativ va operatsion yoʻl bilan davolash, shuningdek, suyak toʻqimasi regeneratsiyasi va immunologiya masalalariga oid. U Oʻzbekistonda birinchi boʻlib singan suyaklarni mumiyo bilan kompleks davolash usulini amaliyotga tatbiq etdi.

Manbalar

• Mumiyoasil v kompleksnom lechenii perelomov kostey, T., 1976.