Oksiprolin

Оксипролин (гидроксипролин, 4-гидроксипиролидин −2-карбон кислота) — аминокислота, рангсиз кристалл модда. Моляр массаси 131,13. 4 та оптик фаол стереоизомерлари мавжуд. Л-О.нинг суюқланиш температураси 274°. Сувда, этанолда оз эрийди. Бириктирувчи тўқималардаги оқсиллар — коллаген (13% гача), шунингдек, эластин таркибига киради. Л-О — алмаштириб бўлмайдиган аминокислота, биосинтез жараёнида пептид занжирга қўшилмайди, пролин крлдикларининг ферментатив гидроксилланишида ҳосил бўлади. Оксипролиннинг организмдаги метаболизм маҳсулотлари — пиррол −2-карбон ва глутамин кислоталар. Коллаген ва бошқа оқсилларнинг гидролизаторларидан олинади. Оксипролинни илк бор 1902-йилда немис олими Э. Фишер желатиндан ажратиб олган.