Oktan soni

Октан сони — карбюраторли ёки инжектор ички ёнув двигатели ёнилğиларининг детонацияга турğунлигини ифодалайдиган кўрсаткич. Ёнилğининг Октан сони эталон ёнилğи аралашмасига таққослаб аниқланади. Эталон ёнилги сифатида изооктан (2, 2, 4-уч метилпентан) ва гептан аралашмаси қабул қилинган. Изооктаннинг детонацияга турғунлиги 100, нормал гептанники нол деб олинган. Эталон ёнилғи аралашмасидаги изооктаннинг фоизлардаги миқдори синаладиган ёнилғининг Октан сонини белгилайди. Ёнилгининг Октан сони қанча катта бўлса, детонацияга мойиллиги шунча кичик бўлади. Автомобилларда Октан сони 66—98 га тенг бензин, сиқиш даражаси юқори бўлган двигателларда Октан сони юқори бензинлар ишлатилади.