Oleg Bazilevich
Олег Петрович Базилевич (украинча: Оле́г Петро́вич Базиле́вич 6-июл 1938-йил, Киев – 16-октябр 2018-йил, Киев) – совет ва украиналик футболчи ва футбол мураббийи. Педагогика фанлари номзоди. Методист. Валерий Лобановский билан бирга юқори малакали футболчиларни тайёрлаш тизимини ишлаб чиқди ва жорий қилди. Футбол стратегияси ва тактикасини ишлаб чиқиш муаллифи. СССР ва Украинада хизмат кўрсатган мураббий.
|
| |||
| Шахсий маълумот | |||
|---|---|---|---|
| Тўлиқ исми | Олег Петрович Базилевич | ||
| Таваллуд санаси | 6-июл 1938-йил | ||
| Таваллуд жойи | Киев, Украина ССР | ||
| Вафот санаси |
16-октябр 2018-йил (80 ёшда) | ||
| Вафот жойи | Киев, Украина | ||
| Бўйи | 1.75 м (5 фт 9 ин) | ||
| Амплуаси | Ҳужумчи | ||
| Профессионал фаолияти* | |||
| Йиллар | Жамоа | Ишт. | (Гол.) |
| 1957—1966 | Динамо Киев | 161 | (63) |
| 1966 | Чорноморец Одеса | 35 | (6) |
| 1967—1968 | Шакҳтар Донецк | 32 | (9) |
| Тотал | 228 | (78) | |
| Бошқарган клублари | |||
| 1969—1970 | Десна Черниҳив | ||
| 1971 | Шакҳтар Кадиивка | ||
| 1972 | Автомобилист Зҳйтомйр | ||
| 1972—1973 | Шакҳтар Донецк | ||
| 1974—1976 | Дйнамо Киев (ёрдамчи) | ||
| 1975—1976 | СССР (ёрдамчи) | ||
| 1977—1978 | Динамо Минск | ||
| 1979 | Пахтакор Тошкент | ||
| 1979 | СССР | ||
| 1980—1982 | CСКА Мосcоw | ||
| 1984 | Зоря Ворошиловҳрад | ||
| 1985 | Украина ССР ёшлар жамоаси | ||
| 1986 | Шакҳтар Донецк | ||
| 1987—1988 | Славиа Софиа | ||
| 1988—1989 | Болгария (маслаҳатчи) | ||
| 1992—1994 | Украина | ||
| 1995—1996 | Кувайт (олимпия) | ||
| 1997 | Ал Куwаит | ||
| *Профессионал клублардаги голлари (ички чемпионат) | |||
Биографияси
Узоқ вақт давомида „Динамо Киев“ жамоасида Валерий Лобановский билан ўйнаган. Футболчилик фаолиятини „Шахтёр“да якунлади. Худди шу клубда у ўзининг биринчи мураббийлик муваффақиятларига эришди ва мустаҳкам жамоани яратган[1]. Базйлевич-Лобановский дуэти 1966-йилги турнирда жамоанинг 29 та голидан 11 тасини киритган[2].
1974-йилда Лобановский томонидан Киевнинг „Динамо“ жамоасига таклиф қилинган. Уч йил ичида „Динамо“ мураббийлик тандеми Европа кубоги аренасида биринчи марта юқори ғалабаларга эришган. 1976-йилда „Динамо“ ва терма жамоа муваффақияциз ўйнаши натижасида Базилевич жамоани тарк этган.
Минскнинг „Динамо“ клубида икки мавсум ўтказган Базилевич, 1979-йилда Тошкентнинг „Пахтакор“ клубига ўтган. Ўша йили „Пахтакор“ жамоаси деярли тўлиқ таркибда Днепродзержинск осмонида ҳалокатга учраган эди. Базилевичнинг ўзи тасодифан бу рейсга чиқмади. У олий лига бошқа клубларидан футболчиларни „Пахтакор“га таклиф қилишга ёрдам берган. Бироқ, янги мавсумда жамоада қолмади[3].
МҲСКда муваффақиятга эриша олмади, кейинчалик жамоага „сояли спорт иқтисодиёти“нинг салбий оқибатлари тўсқинлик қилганини тан олди[3]. Аввалига ишлар яхши кетаётганди: 1980-йилда клуб 5-ўринни эгаллади (сўнгги 10 йил ичида биринчи марта) ва кейинги йили яна Европа мусобақаларида ўйнади. 1981-йилда жамоа 6-ўринни эгаллади. 1982-йилдаёқ, жамоа муваффақияциз ўйнай бошлади ва деярли дарҳол турнир жадвалининг пастига тушиб кетди. Июл-август ойлари охирида 8 ўйин давомида ғалаба қозона олмади. 3-сентабр куни Киевнинг „Динамо“ клуби билан дуранг ўйнагач, Базилевич ишдан бўшатилди.
ССКАдан кейин Базилевич вақтининг бир қисмини диссертация ёзишга бағишлаган. 1984-йилда „Заря Ворошиловград“ жамоасининг таклифини қабул қилди ва кейинчалик бу иши хато эканлигини тан олган[3]. 1992-йил октябр ойида Украина терма жамоаси бош мураббийи бўлди, аммо жамоа билан катта муваффақиятларга эриша олмаган. 1998-йилдан 2001-йилгача миллий терма жамоалар билан ишлаган УФФ қўмитасини бошқарган[4].
2017-йил январ ойида Базилевич кўп йиллар давомида курашиб келган Паркинсон касаллигига чалингани ҳақида хабарларлар пайдо бўлган[5]. 2018-йил 16-октябрда Киевда вафот этди. 18-октябр куни Байков қабристонининг марказий хиёбонига дафн қилинган[6][7].
Ютуқлари
- СССР чемпиони: 1961 (ўйинчи), 1974, 1975 (мураббий)
- СССР чемпионатининг кумуш медаллари: 1960, 1965 (ўйинчи)
- Совет Кубоги: 1964 (футболчи), 1974 (мураббий)
- Кубок эгалари кубоги: 1975 (мураббий)
- УЭФА Суперкубоги: 1975 (мураббий)
- Олимпиада бронза медали: 1976 (мураббий)
Манбалар
- ↑ (ук)Одесити в київскому „Динамо“, або історія однієї фотографії, Я – спортивний, 20.05.2022
- ↑ „Олег Петрович Базилевич“. КЛИСФ. Қаралди: 2009-йил 28-август.
- ↑ 3,0 3,1 3,2 Юрис Юрий. Олег Базилевич: Лобановский никогда меня не предавал // Спорт-Экспресс, 3 февраля 1994.
- ↑ Олег Базилевич Диэд, Российская Газета (16 Оcтобер 2018)
- ↑ Владимир Мунтян: Ажиотаж вокруг болезни Олега Базилевича неуместен // кп.уа
- ↑ Украина футбол федерацияси сайтидаги статистика
- ↑ Видающэгося украинского футболиста и тренера Олега Базилевича похоронят 18 октября на Байковом кладбищэ в Киэве[сайт ишламайди]
Ҳаволалар
- Cареэр овервиэw ат ФФУ оффиcиал wеб-сите (украинча)