Олег Евгеневич Жуков (1973-йил 11-октябр, Иваново, СССР – 2002-йил 9-феврал, Иваново) – россиялик қўшиқчи, реп-ижрочиси. „Дискотека Авария“ гуруҳи аъзоси сифатида танилган.

Олег Жуков
Таваллуди Оле́г Евге́ньевич Жу́ков
11-октябр 1973-йил
Вафоти 9-феврал 2002-йил
Иваново Россия
Жанрлар ҳип ҳоп
Касби Актёр, қўшиқчи
Фаолият йиллари 1991-2002
Фуқаролиги Rossiya bayrogʻi Россия

Ҳаёти

Олег 1973-йил 11-октябрда Иваново шаҳрида туғилган.

Жуков 1988-йилда қўғирчоқ театрида ишлади ва спектаклларнинг қаҳрамонларига овоз берди[1]. 1989-йилда Иваново энергетика институтига ўқишга кирди; аммо 3-босқичгача ўқишни ташлаб, армияга кетди. 1991-йилдан бошлаб 1990-йилда ватандошлари Николай Тимофеев ва Алексей Рижов томонидан ташкил этилган „Дискотека Авария“ гуруҳида чиқиш қила бошлади. Гуруҳ яратилганлигининг дастлабки босқичида у жамоанинг етакчиси эди[2]. Радио ва „Дискотека Авария“ гуруҳининг композициялари учун мусиқий рекламаларнинг катта қисми унинг ўзи томонидан ижро этилган.

Вафоти

Жуков ҳеч қачон соғлиғидан шикоят қилмаган, аммо 2001-йилнинг ёзида у тўсатдан ўзини ёмон ҳис қилди ва кучли бош оғриғидан шикоят қила бошлади. Таллинда гастрол пайтида Олег кутилмаганда ҳушидан кетди. Ўша йилнинг 10-августида қўшиқчи текширувдан ўтди, унга мия саратони ташхиси қўйилди. Касаллик зўрайиб борди, қўшиқчи тез чарчаб қолди, ўшандан сўнг гуруҳнинг янги ишланмаларида қатнашмади ва зиёфатларни эрта тарк этди.

2001-йил 3-сентябрда Бурденко номидаги Москва нейрохирургия илмий-тадқиқот институтида операция қилинди[3]. Даволанишдан сўнг Жуков яна гуруҳ билан чиқиш қилди, лекин бу узоқ давом этмади. Ноябрда Жуков яна ўзини ёмон ҳис қилди. Гуруҳнинг у иштирок этган сўнгги клипи унинг туғилган кунида суратга олинган „На остриэ атаки“ видеоси бўлди. Бу вақтга келиб Олегнинг оёқда туриши оғирлашиб қолган эди. Олегнинг аҳволи иккинчи марта ёмонлашгандан сўнг Ивановодаги онкология диспансерига ётди[4].

2002-йил 9-февралда мия саратони билан узоқ курашдан сўнг Олег Жуков 28 ёшида Ивановодаги квартирасида вафот этди[5].

Манбалар

  1. ↑ „Старҳит. Эй, Толстый: кому нужна «Дискотека Авария» без Олега Жукова?“. 2020-йил 11-январда асл нусхадан архивланган. Қаралди: 2020-йил 11-январ.
  2. ↑ „Старҳит. Эй, Толстый: кому нужна «Дискотека Авария» без Олега Жукова?“. 2020-йил 11-январда асл нусхадан архивланган. Қаралди: 2020-йил 11-январ.
  3. ↑ „Солист группы «Дискотека Авария» скрывал рак“. 2020-йил 11-январда асл нусхадан архивланган. Қаралди: 2020-йил 11-январ.
  4. ↑ „Солист группы «Дискотека Авария» вышел из больницы“. 2020-йил 11-январда асл нусхадан архивланган. Қаралди: 2020-йил 11-январ.
  5. ↑ „Олег Жуков незримо с «Дискотекой Аварией»“ (ру). Новости шоу бизнеса и музыки НЕWСмуз.cом (2008-йил 9-феврал). Қаралди: 2024-йил 28-сентябр.