Oleg Kamishev
Олег Робертович Камишев (Камишёв) (1967-йил 7-январ, Фрунзе, Қирғизистон) — совет, қирғиз ва рус футболчиси, майдондаги вазифаси —ҳужумчи ва ярим ҳимоячи.
| Шахсий маълумот | |||
|---|---|---|---|
| Таваллуд санаси | 1967-йил 7-январ | ||
| Таваллуд жойи | Фрунзе (ҳозирги Бишкек, Қирғизистон | ||
| Амплуаси | ҳужумчи ва ярим ҳимоячи | ||
| Мукофотлари |
Қирғизистон чемпионати бронза медали (1999) Қирғизистон чемпионати бронза медали (2000) | ||
Биографияси
Олег Камишев 1967-йилнинг 7-январида Қирғизистоннинг Фрунзе (ҳозирги Бишкек) шаҳрида таваллуд топган[1].
Спорт фаолияти
Олег Камишев футболдаги фаолияти давомида Қирғизистоннинг етакчи клублари сафида тўп сурган. 1983-йилдан бошлаб футбочи СССР иккинчи футбол лигасида Фрунзенинг „Семетей“ катталар футбол клуби таркибида майдонга туша бошлайди. Бироқ орадан кўп вақт ўтмай, футболчининг ўйиндаги юқори маҳорати унга бўлган талабнинг ортишига сабаб бўлади ва айнан шу мавсумнинг ўзида Камишев республиканинг етакчи клубларидан бири — „Алга“ жамоасига ўтади.
1985—1986-йилларда Камишев олий лига тарбияланувчилари чемпионатида „Қайрат“ жамоасида ўйин олиб боради.
1980-йилларнинг иккинчи ярмига келиб, футболчи Ўзбекистон ССР иккинчи лига баҳсларида Андижоннинг „Спартак“ жамоаси таркибида ўйинларини давом эттирган бўлса, СССР чемпионатининг сўнгги мавсумини Оренбургнинг „Газовик“ жамоаси таркибида ўтказади.
СССР парчаланганидан сўнг, Камишев бир неча йил давомида Россиянинг иккинчи ва учинчи лига жамоалари ва ҳаваскор жамоаларида тўп суради. 1994-йилда Қозоғистон олий лигасида „Актобе“ таркибида фақат битта ўйин ўтказган бўлса, 1994-йил 6-май куни „Ботир“ жамоаси номидан ўйинга тушади[2].
Олег Камишев Россия клублари сафида ўйинларини якунлагач, Қирғизистонга қайтиб, мамлакат чемпионати олий лигасида Бишкекнинг „СК Свердловск туман ИИБ“ (клуб номи кейинчалик „Парвоз“га ўзгартирилади) клуби сафида тўп сура бошлайди.
Ютуқлари
1998-йилда Камишев 10 та гол билан „СК Свердловск туман ИИБ“ клубининг энг яхши тўпурари деб топилади. 1999 ва 2000-йилларда эса Қирғизистон чемпионатининг бронза медали соҳибига айланади.