Oleg Mochulyak
| Шахсий маълумот | |||
|---|---|---|---|
| Таваллуд санаси | 1974-йил 27-сентябр | ||
| Таваллуд жойи | Одесса, Украина ССР, СССР | ||
| Бўйи | 1.80 м (5 фт 11 ин) | ||
| Амплуаси | Ҳужумчи, Ярим ҳимоячи | ||
| Профессионал фаолияти* | |||
| Йиллар | Жамоа | Ишт. | (Гол.) |
| 1991–1992 | ФC Чорноморец Одеса | 3 | (0) |
| 1992 | → ФC Чорноморец-2 Одеса (ижара) | 18 | (4) |
| 1993–1994 | ФC Нйва Тернопил | 48 | (21) |
| 1994–1996 | ФC Чорноморец Одеса | 16 | (2) |
| 1996 | → ФC Уралмаш Екатеринбург (ижара) | 16 | (4) |
| 1996 | → ФC Газовик-Газпром Изҳевск (ижара) | 10 | (1) |
| 1997 | → ФC Уралан Элиста (ижара) | 15 | (1) |
| 1998–1999 | СC Одеса | 26 | (10) |
| 1999–2000 | ФC Чорноморец Одеса | 64 | (7) |
| 1999 | → ФC Чорноморец-2 Одеса (ижара) | 4 | (1) |
| 2001 | СC Таврия Симферопол | 20 | (2) |
| 2002 | ФC Зимбру Чиşинăу | ||
| 2003 | ФC Иван Одеса | 15 | (9) |
| 2004 | ФC Тараз | ||
| 2005 | ФC Атйрау | ||
| 2006 | ФC Тараз | ||
| 2007 | ФC Атйрау | ||
| 2008 | Бухоро | ||
| 2009–2010 | ФC Днистер Овидиопол | 24 | (5) |
| Миллий терма жамоа | |||
| 1991 | СССР У-16 | ||
| 1993–1994 | Украина У-21 | 5 | (1) |
| *Профессионал клублардаги голлари (ички чемпионат) | |||
Олег Леонидович Мочуляк (украинча: Олег Леонідович Мочуляк; 1974-йил 27-сентябр, Одесса, Украина ССР, СССР) – совет, украиналик футболчи, СССР ёшлар терма жамоалари ва Украина ёшлар терма жамоаси ҳужумчиси.
Таржимаи ҳоли
У Одессадаги „Черноморец“ спорт мактабида мураббий О. В. Галицкий қўл остида шғуллана бошлади. У болалар жамоасида ўзини яхши кўрсатди, кўп гол урди ва тез орада СССР ёшлар терма жамоасидан таклиф олди. СССР ёшлар терма жамоаси таркибида Мочуляк жаҳон чемпионатига чиқиш учун курашган. Швейсарияда бўлиб ўтган 17 ёшлилар ўртасидаги Европа чемпионатида иштирок этган[1]. Тез орада у шаҳарнинг асосий жамоаси – „Черноморец“ га таклиф қилинди. Черноморец жамоаси ҳужумида тажрибали Иван Гецко ва Сергей Гусев ҳаракат қилётган эди. Ўн етти ёшли йигит учун улар билан рақобатлашиш қийин кечди. Сўнгги СССР чемпионатида Мочуляк асосий таркибда атиги учта ўйин ўтказди.
Ҳужумчи мустақил Украинада биринчи мавсумни Черноморец-2да ўтказди. Навбатдаги чемпионатни юқори лигадаги Тернопил Нивада бошлади. Уни клуб президенти Владимир Григоревич Аксёнов таклиф қилди. Аксёнов илгари Украина ёшлар терма жамоасини бошқарган ва Мочулякнинг имкониятларини яхши билар эди. Жамоани бошқа ҳужумчи, таниқли собиқ футболчи Леонид Буряк бошқарган. В.Тернавский, Д.Тяпушкин, С.Леженцев[1] етакчи бўлган жамоада Мочуляк иккинчи даврада 7та гол уриб, асосий таркиб ўйинчисига айланди. 1993-1994 йилги мавсумда эса у 14 та гол уриб, чемпионат тўпурарлари рўйхатида тўртинчи бўлди.
Тернопил жамоасидаги икки муваффақиятли мавсумдан сўнг Мочуляк чет элдан кўплаб яхши таклифлар олди. Аммо ўзи тарбияланган клубда ўйнаш орзуси ва ўша пайтда Черноморецни бошқарган Леонид Бурякнинг ўз клубида футболчини кўриш истаги ҳужумчини Одесса жамоасини танлашига сабаб бўлди. Аввалига ҳаммаси яхши бўлди, Мочуляк мунтазам равишда таркибда пайдо бўла бошлади, иккита гол урди. Аммо кейин у пневмонияга чалинди. Узоқ давом этган муолажалардан сўнг тузалиб кетди. Лекин асосий таркибга кира олмади.
1995-йилда у Белгиянинг „Андерлехт“ клубида кўрикда бўлиб, у ерда ижобий таассурот қолдирди. Аммо трансфер амалга ошмади. Чунки клублар футболчининг нархи бўйича келиша олмади. Белгиядан қайтгач, Исроилдаги клублардан биридан таклиф тушди. Аммо виза муаммолари туфайли мамлакатга киришга рухсат берилмади[1].
1996-йилни Мочуляк Россия чемпионатининг олий лигасида иштирок этган Екатеринбургнинг Уралмаш жамоасида ўтказди. Жамоа учун биринчи расмий ўйинда (чемпионатнинг 1-тури – Москва Торпедо билан меҳмон ўйини, 1:1) Мочуляк гол урди[2]. Интертото кубогида „Уралмаш“да ўйнаган. Аммо клубда молиявий муаммолар пайдо бўла бошлади. Кўплаб футболчилар жамоани тарк эта бошлади. Жумладан Мочуляк ҳам. Одессага қайтиб, у Россиянинг „Газовик-Газпром“ клуби билан шартнома имзолади. Элиста клубининг биринчи лигадаги ғалабасига ҳисса қўшганига қарамай Мочуляк жамоани тарк этиб, Одессага қайтиб келди ва у ерда „Рибак-Дорожник“ ҳаваскорлар жамоасига ўтди. Шу вақт ичида фаолиятини давом эттириш учун бир қанча таклифлар олди. Мочуляк СC Одесса вариантни танлади. Одессанинг иккинчи клубида бир ярим мавсум ўйнаганидан сўнг Черноморецга қайтиб келди. У мунтазам равишда асосий таркибда ўйнади. Аммо 1999—2000-йилги мавсум охирида клуб яна қуйи дивизионга тушиб кетди. 2001-йилга келиб, клуб билан тузилган шартнома муддати тугади ва Мочуляк уни узайтирмасликка қарор қилди.
2001-йилда „Тавриа“ билан шартнома имзолади. Йил боши Мочуляк учун унчалик омадли келмади: тўпиғидаги жароҳат футболчини икки ойга сафдан чиқишига сабаб бўлди. Аммо жароҳати жиддий эмаслиги учун яна сафга қайтди. Таянч ярим ҳимоячи позициясида ҳаракат қилаётганига қарамай янги клубидаги фаолияти яхши кетаётганди[3]. Бироқ бир йилдан сўнг футболчи трансферга қўйилди.
Гарчи у Кишинёв клубида ўйнашни мақсад қилмаган бўлса ҳам ҳужумчининг фаолиятидаги кейинги клуб Молдавиянинг „Зимбру“ клуби бўлди. Ўзи билан 12 нафар ҳамюртини олиб келган руминиялик мураббий Габи Стан келиши билан асосий таркибда Мочулякга ўрин қолмаган. Бошқа клубга ўтиш учун эса Зимбру раҳбарияти катта сумма сўраган. Мажбурий танаффус даврида у Одессанинг „Иван“ ва „Сигнал“ ҳаваскор клубларида ўйнаб, ўз формасини сақлаб қолди. Фақатгина Украина футболчилари иттифоқи ёрдамида эркин агент мақомига эришишни уддалаган[1].
2005-йилдан бошлаб футболчининг Осиёдаги фаолияти бошланди. Осиёдаги фаолияти деярли 5 йил давом этди. „Тараз“ клуби билан илк мавсумда Қозоғистон кубогини қўлга киритди[4]. Икки марта – 2004 ва 2006-йилларда клубнинг мавсумдаги энг яхши тўпурарига айланди. 2005-йилда у ярим мавсум „Атирау“да ўйнади, у ердан „Женис“ (Астана) клубига ўтди ва иккинчи марта Қозоғистон кубогини қўлга киритди. 2006-йилда яна Таразга қайтди. Легионер ҳисобланмаслик учун у Қозоғистон фуқаролигини қабул қилди. 2008-йилда „Бухоро“ клуби билан шартнома имзолаб, Ўзбекистонга жўнаб кетди. Бу ерда футболчи уч ой давомида чемпионат якунига қадар ўйнамади. Келган ўзбек клубининг янги раҳбарияти легионерлар кўп маош олмоқда, деган қарорга келиб, футболчи олдидаги шартнома мажбуриятларини бажаришдан бош тортди. Шундан сўнг футболчи томонидан келишув бир томонлама бекор қилинди ва бу иш бўйича ҳужжатлар ФИФАнинг тегишли комиссиясига юборилди. Кўп ўтмай „Маш’ал“ устози Владимир Бондаренкодан ушбу клубда ўйнаш таклифини олди. Аммо маҳаллий федерация бу трансферга тўсқинлик қилди. Ушбу воқеалар натижасида футболчи олти ойга футболдан четда қолди[1].
2009-йилда Ўзбекистондан қайтгач, футболчи фаолиятини якунлаш ҳақида ўйлаётган эди. Бироқ биринчи лигадаги „Днестр“ (Овидиопол) клубидан яна бир таклиф тушди ва Олег яна профессионал футболга қайтди. Чемпионатнинг кузги қисмида 8 та ўйин ўтказиб, 5 та гол ва 3 та голли узатмани амалга оширди. Овидиопол жамоаси сафида энг яхшилардан бири бўлди. 2010-йилнинг ёзида Мочуляк фаолиятини якунлади[5].
Шахсий ҳаёти
Хотини – Екатерина, ўғли – Ренат (1998-йилда туғилган) – „Чернигов Десна“ клуби футболчиси, қизлари Лолита (1996-йилда туғилган)[1] ва Малика (2014-йилда туғилган)[манба керак].
Ютуқлари
- Украина кубоги соҳиби (1992-йил)
- Қозоғистон кубоги соҳиби (2004 ва 2006-йил)
- Молдавия кубоги соҳиби (2002-йил)
- Украина чемпионатининг кумуш медали соҳиби (1994—95, 1995—96)
- Молдова чемпионатининг кумуш медали соҳиби (2002-йил)
- Россия биринчи дивизиони ғолиби (1997-йил)
Манбалар
- ↑ 1,0 1,1 1,2 1,3 1,4 1,5 „Мочуляк: «Меня оставили в лесу в одних тапочках»“. 2017-йил 8-июлда асл нусхадан архивланган. Қаралди: 2011-йил 1-май.
- ↑ Торпедо 1-1 Уралмаш. Чемпионат России 1996 ЁуТубеда
- ↑ О.Мочуляк: В „Таврии“ устраиваэт всё[сайт ишламайди]
- ↑ О.Мочуляк: „Украина способствуэт прогрессу казахского футбола“[сайт ишламайди]
- ↑ „Олег Мочуляк завершает карьеру“. 2016-йил 13-ноябрда асл нусхадан архивланган. Қаралди: 2011-йил 1-май.
Ҳаволалар
- Олег Мочуляк ФоотбаллДатабасе.эу сайтида
- Олег Мочуляк. Спорт.уа "Спорт-Эхпресс Украинада. 2009-йил 24-декабр
- 27-sentyabrda tugʻilganlar
- 1974-yilda tugʻilganlar
- Odessada tugʻilganlar
- FootballDatabase.eu template with ID Vikimaʼlumotlarda mavjud boʻlmagan sahifalar
- Yashayotgan insonlar
- SSSR erkak futbolchilari
- Ukrainalik erkak futbolchilar
- Buxoro klubi futbolchilari
- FC Nyva Ternopil futbolchilari
- FC Chornomorets Odesa futbolchilari
- FC Chornomorets-2 Odesa futbolchilari
- FC Ural Yekaterinburg futbolchilari
- FC Elista futbolchilari
- SC Odesa futbolchilari
- SC Tavriya Simferopol futbolchilari
- FC Ivan Odesa futbolchilari
- FC Zimbru Chișinău futbolchilari
- Taraz klubi futbolchilari
- FC Odesa futbolchilari
- Futboldagi erkak hujumchilar
- FC SOYUZ-Gazprom Izhevsk futbolchilari
- Ukrainalik muhojir erkak futbolchilar
- Oʻzbekistondagi muhojir erkak futbolchilar
- Rossiyadagi muhojir erkak futbolchilar
- Moldovadagi muhojir erkak futbolchilar
- Qozogʻistondagi muhojir erkak futbolchilar
- SSSR Oliy ligasi futbolchilari
- Ukraina Premyer-ligasi futbolchilari
- Rossiya Premyer-ligasi futbolchilari
- Moldova Super Ligasi futbolchilari
- Qozogʻiston Premyer-ligasi futbolchilari
- Oʻzbekiston Superligasi futbolchilari