Olga Gorbunova
| Олга Горбунова | |
|---|---|
_(cropped).jpg) | |
| Шахсий маълумотлари | |
| Таваллуди |
1981-йил 7-май Белоруссия ССР, ССРИ |
| Фуқаролиги |
 Беларус |
| Миллати | беларус |
| Касби | сиёсатчи, аёллар ҳуқуқлари ҳимоячиси |
Олга Александровна Горбунова (беларусча: Вольга Аляксандраўна Гарбунова) — беларуслик фаол, феминист, зўравонлик қурбонлари ва заиф ижтимоий гуруҳлар вакилларининг ҳуқуқлари учун курашувчи собиқ сиёсий маҳкум. Горбунова — Беларуснинг ижтимоий сиёсат бўйича қўшма ўтиш вазирлар маҳкамаси аъзоси, „Радислава“ жамоат ташкилотининг собиқ раҳбари.
Ижтимоий фаолияти
2003-йилда психология бўйича таҳсил олган Олга „Радислава“ нодавлат нотижорат ташкилотининг ишонч телефони кўнгилли оператори сифатида фаолиятини бошлаган. Кейинчалик Олга ташкилот раҳбари лавозимига кўтарилган[1].
Олга Горбунова „Радислава“ жамоаси билан биргаликда Белоруссияда оилавий зўравонликнинг олдини олиш бўйича махсус қонуннинг қабул қилинишини ҳимоя қилган. 2018-йилда „Республика“ журналига берган интервюсида Олга Горбунова бу ҳақда қуйидагиларни айтди:
Оилавий зўравонлик билан боғлиқ ишлар жамоат характерига эга бўлиши керак, шунда жамият ҳам, давлат ҳам прокурор вакили бўлиши лозим. Янги қонун универсал бўлиши ва ёши, жинси, яшаш жойи ёки айрим касалликларнинг мавжудлигидан қатъи назар, у оиладаги зўравонлик қурбонини ҳимоя қилиши зарур. Бундан ташқари, ҳужжат ҳақиқий кўмак берувчи чоралардан иборат бўлиши лозим[2].
Бироқ, Ички ишлар вазирлиги томонидан тайёрланган „Маиший зўравонликка қарши кураш тўғрисида“ ги қонун лойиҳасининг консепсияси Александр Лукашенконинг қаттиқ танқидига учрадган ва қонун устида ишлаш тўхтатилган[3].
2016-йилда Олга ва унга ҳамфикр аёллар 2012-йилда бошланган халқаро кампания доирасида Беларусда биринчи марта „Оне Биллион Рисинг“ флешмобини ташкил қилишган. Шундай қилиб, флешмоб давомида аёлларга нисбатан зўравонликка қарши бўлган одамлар бутун дунё бўйлаб 14-феврал Севишганлар кунида рақсга тушишади. Бу билан аёллар муаммо бўйича ҳамжиҳатлик ва бирдамлик ҳиссини билдирадилар[4]. 2018-йилда Олга зўравонликка учраган қизлар ва аёллар ўқиши ҳамда иш топиши мумкин бўлган НОРМ ижтимоий кафесини ташкил этишини эълон қилган. Кейинчалик молиявий қийинчиликлар ва хавфсизлик муаммолари туфайли лойиҳа тўхтатилган[5].
Муҳожирликда
2022-йил 26-декабрда Олга Горбунова Беларус қўшма ўтиш вазирлар маҳкамасининг ижтимоий сиёсат бўйича вакили этиб тайинланган[6].
2023-йил 29-июлда Олга ташаббуси билан Беларус оммавий ахборот воситалари „Биз ғамхўрлик қиламиз!“ (беларусча: Нам не ўсё адно!) бирдамлик марафони ташкил этилган. Марафондан кўзланган мақсад беларуслик сиёсий маҳбуслар ва уларнинг оила аъзолари учун маблағ тўплаш бўлган. Марафон мобайнида 574 минг евродан ортиқ маблағ йиғилган.
2023-йил 30-октабрда Олга Горбунова бошчилигидаги ижтимоий сиёсат делегацияси „Ягона дарча“ ахборот-маслаҳат хизматини ишга туширган, у ерда беларуслар бепул юридик, тиббий, психологик ва молиявий ёрдам сўровларини юборишлари мумкин[7].
Сиёсий таъқиблар
2020-йил сентабрида Горбунова 9-август куни Беларусда бўлиб ўтган президентлик сайловларидан кейин Минскда бўлиб ўтган норозилик намойишларида бир неча бор ҳибсга олинган. 19-сентябр куни Олга полиция бўлимидан озод қилинган. 26-сентабр куни у яна ҳибсга олинган ва судгача тергов изоляторларида сақланган. 28-сентабр куни унга нисбатан Маъмурий жавобгарлик тўғрисидаги кодекснинг 23.34-моддаси („Йиғилиш, митинг, кўча юриши, намойиш, пикет ёки бошқа оммавий тадбирлар ўтказишнинг белгиланган тартибини бузиш“) билан 20 асосий бирлик миқдорида жарима солинган[5].
2021-йил 9-ноябрда Горбунова Беларус Республикаси Жиноят кодексининг 342-моддаси („Ташкил этиш ёки фаол иштирок этиш“) ни бузганликда айбланиб, Минск шаҳар ижроия қўмитасининг марказий ички ишлар бошқармаси („Акрестина“ номи билан машҳур) томонидан вақтинча ҳибсга олинган[8]. Олга Александровна бу ердаги ҳибс ва камера шароитларига норозилик билдириб, деярли икки ҳафта давомида очлик эълон қилган[9]. У тергов изолятори маъмурияти уни матрас, керакли дори-дармонлар билан таъминлаб, посилка олиш тақиқини олиб ташлагач, очлик эълон қилишни тўхтатган[10].
2022-йил 5-май куни Совецкий туман судида иш бўйича суд муҳокамаси бошланган. 6 май куни суд Олга Горбуновани Жиноят кодексининг 1-қисмида кўрсатилган жамоат тартибини қўпол равишда бузувчи ҳаракатларни ташкил этиш ва тайёрлашда айбдор деб топган[11]. Жиноят кодексининг 342-моддасига кўра, уч йил муддатга очиқ муассасага юборилмасдан озодликни чеклаш билан жазоланган. Фаол суд залида ҳибсдан озод қилинган.
2022-йил август ойида Олга Горбунова Беларусни тарк этган[12].
2022-йил 4-ноябрда Беларус Ички ишлар вазирлиги Олга Горбуновани „Экстремистик фаолиятда иштирок этган шахслар рўйхати“га киритган.
Шахсий ҳаёти
2018-йилда „Имена“ журналига берган интервюсида Олга оиладаги зўравонлик мавзуси шахсан унга таъсир қилганини айтиб ўтган[13].
Мукофотлари
2022-йилда Горбунова хавф остида бўлган ҳуқуқ ҳимоячилари учун мўлжалланган „Фронт Лине Дефендерс“ мукофоти билан тақдирлаган. Горбунова 2022-йил 27-майдаги сўнгги тақдирлаш маросимида Беларусда яшаганлиги сабабли, мукофот эълон қилиниши хавфсизлик нуқтаи назаридан 2022-йил декабригача қолдирилган. 9-декабр куни Вилнюсда мукофотнинг расмий тақдимоти бўлиб ўтган. „Фронт Лине Дефендерс“ мукофотини топширган жамғарма расмийси Андреw Андерсоннинг айтишича, Горбунова бу мукофотни Беларусда аёллар ва болалар ҳуқуқларини ҳимоя қилиш учун олиб борган кураши натижасида қўлга киритган[14].
Ижоди
2021-йил март ойида Минскда „WОМАН“ филми (режиссёр Анастасия Микова ва Янн Артус-Бертран) чиқади. Филмни суратга олишда 6 нафар беларуслик аёл, жумладан Олга Горбунова иштирок этган[15]. Бу ҳақда „Эурорадио“ интернет порталига гапириб, Олга Александровна аёллар ҳуқуқларини ҳимоя қилиш бўйича бундай лойиҳаларнинг муҳимлигини таъкидлаган[15].
Манбалар
- ↑ Долгая. „«Без ее поддержки я бы не выжила». Кто такая Ольга Горбунова, которую обвиняют в организации женских маршей“ (ру-РУ). РЕФОРМ.бй (2021-йил 25-ноябр). 2023-йил 17-декабрда асл нусхадан архивланган. Қаралди: 2023-йил 17-декабр.
- ↑ Вероника Уласевич. „Чтобы рука не поднималась: В стране обсуждается концепция законопроекта «О противодействии домашнему насилию»“ (ру). Рэспубліка (2018-йил 17-июл). 2021-йил 18-январда асл нусхадан архивланган. Қаралди: 2023-йил 16-декабр.
- ↑ Елена Данейко. „Нужен ли Беларуси закон о противодействии домашнему насилию?“ (ру). Деуцче Wелле (2018-йил 18-октябр). 2023-йил 19-июлда асл нусхадан архивланган. Қаралди: 2023-йил 15-декабр.
- ↑ „«Я танцую, потому что выжила»: Беларусь впервые приняла участие в международной акции Оне Биллион Рисинг“ (ру). МАКЕОУТ — Журнал про гендер и сексуальность. 2023-йил 17-декабрда асл нусхадан архивланган. Қаралди: 2023-йил 17-декабр.
- ↑ 5,0 5,1 „Фаcебоок“. www.фаcебоок.cом. 2023-йил 17-декабрда асл нусхадан архивланган. Қаралди: 2023-йил 17-декабр.
- ↑ админ. „Ольга Горбунова – представительница по социальным вопросам Объединённого Переходного Кабинета Беларуси“ (ру-РУ). Светлана Тихановская (2022-йил 26-декабр). 2023-йил 17-декабрда асл нусхадан архивланган. Қаралди: 2023-йил 17-декабр.
- ↑ админ. „Куда обращаться за помощью? Начала работу служба «Одно окно»“ (ру-РУ). Светлана Тихановская (2023-йил 30-октябр). 2023-йил 17-декабрда асл нусхадан архивланган. Қаралди: 2023-йил 17-декабр.
- ↑ „Заява праваабарончых арганізацый Беларусі аб прызнанні 18 палітвязняў“ (бе). спринг96.орг (2021-йил 11-ноябр). 2023-йил 22-декабрда асл нусхадан архивланган. Қаралди: 2023-йил 17-декабр.
- ↑ Арлова. „Вольга Гарбунова: Салідарнасць — гэта тое, чаго не хапала гэтай краіне доўгі час і не хапае зараз“ (бе). Новы Час (2022-йил 20-июн). 2023-йил 17-декабрда асл нусхадан архивланган. Қаралди: 2023-йил 17-декабр.
- ↑ „Волҳа Ҳарбунова“ (эн-ГБ). Индех он Cенсоршип. 2023-йил 17-декабрда асл нусхадан архивланган. Қаралди: 2023-йил 17-декабр.
- ↑ „Активистку Ольгу Горбунову наказали тремя годами "домашней химии" и освободили из-под стражи“ (ру). спринг96.орг (2022-йил 6-май). 2023-йил 22-декабрда асл нусхадан архивланган. Қаралди: 2023-йил 17-декабр.
- ↑ „Осужденная на 3 года химии бывшая руководительница «Радиславы» Ольга Горбунова уехала из Беларуси“ (ру). Медиазона Беларусь. 2023-йил 17-декабрда асл нусхадан архивланган. Қаралди: 2023-йил 17-декабр.
- ↑ Нина Шулякова. „«Подкидывали наркоту, выслеживали жертв». Как минское Убежище 15 лет прячет женщин, пока насильники на свободе“ (ру). Имена (2018-йил 26-апрел). 2023-йил 10-июнда асл нусхадан архивланган. Қаралди: 2023-йил 16-декабр.
- ↑ „Волҳа Ҳарбунова оф Беларус реcеивес Фронт Лине Дефендерс Аwард“ (эн). Фронт Лине Дефендерс (2022-йил 9-декабр). 2022-йил 9-декабрда асл нусхадан архивланган. Қаралди: 2023-йил 16-декабр.
- ↑ 15,0 15,1 „6 из 2000: женщины из Беларуси рассказали свои истории для документалки WОМАН“ (ру). эурорадио.фм. 2023-йил 17-декабрда асл нусхадан архивланган. Қаралди: 2023-йил 17-декабр.