Olmosxon Otabekova
Олмосхон (Ўлмасхон) Отабекова (1922-йил, Туркистон АССР Фарғона вилояти — 1987-йил, Жалолобод вилояти Бозорқўрғон тумани) — совет қишлоқ хўжалиги ходими, пахтакор, Социалистик Меҳнат Қаҳрамони (1957).
| Олмосхон Отабекова | |
|---|---|
 | |
| Таваллуди |
1922-йил |
| Вафоти |
1987-йил Жалолобод вилояти Бозорқўрғон тумани |
| Фуқаролиги | СССР |
| Касби | пахтакор |
| Мукофотлари |
Социалистик Меҳнат Қаҳрамони Октабр Инқилоби ордени Меҳнат Қизил Байроғи Ордени „Шон-шараф белгиси“ ордени |
Биографияси
Олмосхон Отабекова 1922-йилда Туркистон АССР Фарғона вилояти (ҳозирги Ўш вилояти) ҳудудида таваллуд топган.
Комсомолчи Олмасхон Отабекова 1944-йил бошида Бозорқўрғон туман комсомол қўмитаси котиби бўлиб фаолият олиб борган. 1944—1953-йилларда пахтачилик бригадаси бўлим бошлиғи, 1953-йилда Ленин туманидаги „Фрунзе“ колхоз хўжалиги раҳбари этиб тайинланади. Отабекова раҳбарлик қиладиган колхоз қишлоқ хўжалигининг етакчиларидан бирига айланади, экин майдонлари икки баробарга, чорва моллари 78 фоизга, сут ишлаб чиқариш 5 баробарга, майин толали жун ишлаб чиқариш 2 баробарга ошади. Пахта майдонларидан жами 24,9 тонна пахта ҳосили олинади.
Кейинчалик Отабекова қишлоқ хўжалиги ёш стахановитларининг вилоят митингида сўзга чиқиб, ўз лавозимидан озод қилинишини ва ёшларни дала меҳнатига жалб қилинишини сўрайди. Шундан сўнг Отабекова „Қизил Ой“ колхози хизматига йўналтирилиб, унга режа бўйича ҳар гектардан 9.5 сентнердан пахта олиш топшириғи юкатилади, Отабекова эса ернинг ҳар гектаридан 43 сентнердан пахта ҳосили олишга эришиб, ўзига билдирилган ишончни оқлайди.
Отабекова меҳнат фаолияти давомида икки марта СССР Олий Кенгаши депутати этиб сайланган.
Мукофотлари
СССР Олий Кенгаши Президиумининг 1957-йил 15-февралдаги Фармони билан қанд лавлаги, пахта ва чорвачилик маҳсулотлари етиштиришни кўпайтириш, илм-фан ютуқлари ва илғор тажрибаларни кенг қўллашда эришилган улкан муваффақиятлари учун Ўлмасхон Отабекова Социалистик Меҳнат Қаҳрамони унвони, Октабр Инқилоби ордени, Меҳнат Қизил Байроғи Ордени, „Шон-шараф белгиси“ орденлари, шунингдек, кўплаб бошқа медаллар билан тақдирланган[1].
Хотира
2002-йилда Отабекова хотирасига бағишланган Қирғизистон почта маркаси чиқарилади[2]. Шунингдек, Помир тоғ чўққиларидан бири Отабекова номи билан аталади.
Ҳаволалар
- Эхо далекой войни — УХОДИЛИ ДЕВУШКИ В ЗАБОЙ…[сайт ишламайди] (недоступная ссилка)
- Дочери земли Киргизской Архивная копия от 24 октабря 2018 на Wайбаcк Мачине
- Ҳисторй оф КГ Архивная копия от 18 мая 2012 на Wайбаcк Мачине (рус.)
Манбалар
- ↑ „Указ Президиума Верховного Совета СССР «О присвоении звания Героя Социалистического Труда колхозникам, колхозницам, работникам машиннотракторных станций и совхозов, партийным и советским работникам Киргизской ССР»“. 2016-йил 4-мартда асл нусхадан архивланган. Қаралди: 2017-йил 5-март.
- ↑ В Киргизии випущэна марка в чест знатного хлопкороба Олмосхан Атабековой[сайт ишламайди]