Olovli yer

Оловли ер — Жанубий Американинг жан. чеккасидаги архипелаг. Материкдан Магеллан бўғози орқали ажралган. Ғарбий қисми Чили, шарқий қисми Аргентина таркибида. Майдони 72 минг км². Оловли Ер ёки Ила-Гранде о. (майдони 48 минг км²) ва жуда кўп майда орол ва крялардан иборат. Горн бурни Жанубий Американинг энг жан. нуқтаси. Архипелагнинг жан. ва ғарбий қисми тоғлик (энг баланд жойи 2469 м), қолган қисми сертепа текислик ва пасттекислик. Форд, торфли ботқомик кўп. Музликлар бор. Иклими мўътадил, салқин океан иклими. Январнинг ўртача температураси 10—11°, июлники 0—2°. Йилига 500 мм дан 2000 мм гача ёғин ёғади. Миллий боғлар ташкил этилган. Ахрли қўйчилик ва балиқ овлаш билан шуғулланади. Нефт ва газ конлари бор. Асосий аҳоли пунктлари: Ушуая ва Порвенир. Оловли ерни европаликлардан дастлаб 1520-йилда Ф. Магеллан айланиб ўтган. У маҳаллий аҳоли ёққан гулханларни кўриб архипелагга шундай ном берган.