Oomitsetlar

Оомицетлар (Оомйcетес) — замбуруғлар синфи (бошқа маълумотларга кўра, кенжа синф). Сувда ва қуруқликда ўсади. Мицелийси ҳужайрасиз; ҳужайра пусти селлюлоза ва глюкандан иборат бўлиши билан бошқа замбу-руғлардан фарқ қилади. Жинссиз зооспора ёки конидия ҳосил қилиш; жинсий — оогамия орқали кўпаяди. Антеридий кўп ядроли, шарсимон оогонийда 1 ёки бир нечта тухум ҳужайра етилади. Уруғланган тухум ҳужайралар ооспораларга айланади. Улардан баҳорда зооспоралар, муртак зооспорангийли калта ўсиш гифлари ҳосил бўлади. 4 та тартиби (сапролегнинсимонлар; лептомисимонлар, лагенидсимонлар, пероноспоралилар), 350 тури мавжуд. Тубан О. — сапротроф, органик моддаларга бой чучук сувларда яшайди. Кўпчилик О. ҳайвонлар мурдаси ва бошқа органик крлдикларда учрайди, айрим турлари балиқлар ва сувда ҳамда қуруқликда яшовчилар увилдириқларида, касалланган балиқчалар ва итбаликларда паразитлик қилади. Қурукликдаги турлари юксак ўсимликларнинг облигат паразити, тўқима ичида яшайди, барг оғизчаларидан фаҳат аго-рангит (конидит) ҳосил қилувчи қисми чиқиб туради. Жинсий органлари ва ооспоралари ҳам эндофит ривожланади. Баъзи О. (мас, переноспора токда кул, фитофтора картошкада чириш) касаллигини пайдо қилади. О. ҳужайра пўстида хитин бўлмайдиган сарғиш-яшил ёки хивчинли сув ўтларидан келиб чиққан бўлиши мумкин.