Optik tizimlar

Оптик тизимлар – оптик элементлар (линза, кўзгу, призма, пластинка ва ҳоказо) мажмуи. Қуйидаги кўрсаткичлар билан ифодаланади: чизиқли апертура, бурчакли ёки чизиқли кузатиш майдони, оптик катталаштириш ўлчамлари, тасвирнинг сифатлилиги, ажрата олиш қобилияти ва ёруғлик энергиясини тақсимлай олиши. Оптик тизимлар ёрдамида буюм тасвири фотопластинка, фотоэлемент ва бошқаларда ҳосил қилинади ёки ёруғлик манбаидан чиққан нур дастасининг йўналиши, интенсивлиги ва бошқа ўзгартирилади.

Оптик тизимлар кўрсаткичларига тегишли масалалар идеал оптик тизим қонунлари ор-қали ҳал қилинади. Тасвирнинг сифатлилиги ва ажрата олиш қобилиятида эса Оптик тизимларнинг қуйидаги нозик хусуси-ятлари ҳам ҳисобга олинади: оптик тизим аберрацияси, дифраксион ҳоди-салар, Оптик тизимларнинг нотўғри тайёрланганлиги ва қ.к. Тасвирнинг сифатлилигини белгилайдиган омиллар сифатида ё кўндаланг тўлқин аберрациянинг қиймати, ёки частота-контраст ҳарактеристика катталиги олинади. Оптик тизимлар кинотехника, телевидение, фотография, микроскопия, ҳарбий иш ва бошқа кўп соҳаларда қўлланади.