Oqma

Оқма — орган ва тўқималардаги патологик жараёнлар оқибатида пайдо бўлиб, узоқ вақт битмайдиган тешик яралар, йўллар; тананинг ичкарисидаги тўқималардан ёки ички аъзодан терига (ташқи О.) ёки тўқималардан ичак, қин сингари ковак аъзога (ички О.), ё бўлмаса бир аъзодан бошқа аъзога, мас, қизилўнгачдан бронхга, қовукдан ичакка (аъзолараро О.) очилган бўлади. О. туғма бўлиши ҳам мумкин (мас, киндик яраси). Кўпинча йиринг бойлаш ва унинг ёриб чикиши билан давом этадиган яллиғланиш жараёнлари, мас, остеомиелит, шу жумладан, сил остеомиелити ҳам О. деб аталади. Узоқ давом этадиган яллиғланишлар О.нинг битишига тўсқинлик.қилади; О.нинг биттаси битиб тузалса, иккинчиси очилади.

Бемор, асосан, операция қилинади. Бирор сабабга кўра операция қилиш мумкин бўлмаса, уйда парвариш қилинади, бунда О.га қўйиладиган боғловни алмаштириб туриш, врач буюрганларини бажариш лозим.