Oraliq zona
Оралиқ зона, Қатор ороллар зонаси — Ернинг энг йирик глобал морфоструктураларидан бири, материкнинг сув остидаги чети билан океан қаъри ўртасида жойлашган. Одатда, чекка денгизларнинг ўринлари, қатор ороллар ва чуқур сув новларидан иборат (Тинч океаннинг шим. ва ғарбий чеккалари, Атлантика океанидаги Кариб ва Скоша (Скотия) денгизлари атрофлари, Ҳинд океанининг шим.-шарқий четлари). Оралиқ зонанинг релефи хилма-хил (чуқур сув ости новларининг чуқ. 11 км гача, қатор ороллардаги баъзи вулкан чўққиларининг баландлиги 5–7 км гача), магнит ва гравитация майдонлари бир-биридан кескин фарқ қилади, Ер пусти вертикал ҳаракатларининг тезлиги катта ва кескин дифференсиацияланган. Оралиқ зона ҳозирги замон вулканизми, интенсив сейсмик ва тоғ ҳосил бўлиши областига киради.[1]
Манбалар
|
Бу мақолада бошқа тил бўлимларига ишорат йўқ. Сиз уларни топиб ва ушбу мақолага қўшиб, лойиҳага ёрдам беришингиз мумкин. |
 | Ушбу мақолада Ўзбекистон миллий энсиклопедияси (2000-2005) маълумотларидан фойдаланилган. |
 | Ушбу мақола çаладир. Сиз уни бойитиб, ЗиёСферага ёрдам бериşингиз мумкин. Бу андозани аниқроғига алмаштириш керак. |