Oriat Dono
Oriat Dono — Oʻzbekistonda faoliyat yurituvchi FM radiostansiya. Radiostansiya 2000-yil 17-dekabrda efirga chiqqan. Oriat Dono Toshkent shahri va viloyati, Sirdaryo, Samarqand, Buxoro, Fargʻona, Andijon va Namangan viloyatlarida FM chastotalar orqali eshittiriladi.[1]
| Oriat Dono | |
|---|---|
| ORIAT Dono | |
| Mamlakat |
 Oʻzbekiston |
| Namoyish hududi | Toshkent shahri, Toshkent viloyati, Sirdaryo, Samarqand, Buxoro, Fargʻona, Andijon va Namangan viloyatlari |
| Til(lar)i | Oʻzbek tili |
| Tasvir formati | AC Soft |
| Mazmuni | musiqa, axborot, interaktiv, madaniy-maʼrifiy va ko‘ngilochar dasturlar |
| Efirga chiqqan | 17-dekabr 2000-yil |
| Sayt | oriatdono.uz |
Tarixi
Oriat Dono radiostansiyasi 2000-yil 17-dekabrda Toshkent shahri va Toshkent viloyatida FM 106,5 chastotasida efirga chiqqan.[2]
Radiostansiya davlat tashkilotlari va jamoat tashkilotlari ishtirokidagi radio dasturlar efirga uzatilgan platforma sifatida ham tilga olingan. Oʻzbekiston milliy elektr tarmoqlari AJ ishtirokidagi „Jarayon“ dasturi „Oriyat-Dono“ radiokanalining FM 106,5 to‘lqinlarida efirga uzatilgan.[3] „Ziyo“ media markazi va „Oriyat dono“ radiosi hamkorligida „Ziyo chashmasi“ radio dasturi tayyorlangan.[4]
Efir hududi
Oriat Dono Toshkent shahri va viloyati, Sirdaryo, Samarqand hamda Buxoro viloyatlarida FM 106,5 chastotasida, Fargʻona, Andijon va Namangan viloyatlarida esa FM 102,4 va 89,5 chastotalarida tinglanadi.[5]
Dasturlari
Radiostansiya efir jadvalida musiqiy, interaktiv, tok-shou va madaniy-maʼrifiy dasturlar mavjud. „Futbol+“, „Xalfana“, „Tamanno“, „Tavakkal“, „Jadidlar“, „Gʻalvir“, „Dil izhori“, „Vaqt ketdi“, „Evrika“, „Salomatlik sari“ kabi dasturlar efirga uzatiladi.[6]
Mukofotlar
2017-yilda „Oltin qalam“ XII Milliy mukofotida Hojimurod Otaqulov „Oriat-Dono“ radiosidagi materiali uchun radio yoʻnalishida 2-oʻrinni egallagan.[7]
2023-yilda „Oltin qalam“ XVII Milliy mukofotida „ORIAT Dono“ radiosi muharriri Botir Imomaliyev radio yoʻnalishida 2-oʻrinni egallagan. U jadidchilik harakati va maʼrifatparvar ajdodlar hayoti hamda ijodi haqidagi „Jadidlar“ maʼnaviy-maʼrifiy dasturi uchun taqdirlangan.[8][9]
2023-yilda „Renessans“ milliy mukofotida Oriat Dono radiosi jurnalisti Akmal Mirzayev „Eng yaxshi madaniy-maʼrifiy radiodastur jurnalisti“ nominatsiyasida taqdirlangan.[10][11]
2026-yilda „Oltin qalam“ XX Milliy mukofotida „Oriyat Dono“ radiosi boshlovchisi Sanjar Tursunov radio yoʻnalishida 2-oʻrinni egallagan.[12][13]
Manbalar
- ↑ „ORIAT Dono — Fayzli radio“ (uz). oriatdono.uz. Qaraldi: 4-oktabr 2026-yil.
- ↑ „ORIAT Dono — Fayzli radio“ (uz). oriatdono.uz. Qaraldi: 4-oktabr 2026-yil.
- ↑ „JONLI EFIR: FM.106.5 to‘lqinlarida radiotinglovchilarga energiya tejamkorligi va samaradorligi hamda sohadagi islohotlar haqida axborot berildi“ (uz). Oʻzbekiston milliy elektr tarmoqlari AJ (2026). Qaraldi: 4-oktabr 2026-yil.
- ↑ „Hadis rivoyat qilishda ehtiyotkorlik“ (uz). Oʻzbekiston musulmonlari idorasi (2019). Qaraldi: 4-oktabr 2026-yil.
- ↑ „ORIAT Dono — Fayzli radio“ (uz). oriatdono.uz. Qaraldi: 4-oktabr 2026-yil.
- ↑ „ORIAT Dono — Fayzli radio“ (uz). oriatdono.uz. Qaraldi: 4-oktabr 2026-yil.
- ↑ „Kun.uz muxbiri “Oltin qalam” Milliy mukofoti sovrindori bo‘ldi“ (uz). Kun.uz (4-may 2017-yil). Qaraldi: 4-oktabr 2026-yil.
- ↑ „“Oltin qalam” XVII milliy mukofoti g‘olib va sovrindorlari“ (uz). Yuz.uz (15-may 2023-yil). Qaraldi: 4-oktabr 2026-yil.
- ↑ „Kun.uz'ning ikki jurnalisti “Oltin qalam” mukofoti g‘olibi bo‘ldi“ (uz). Kun.uz (15-may 2023-yil). Qaraldi: 4-oktabr 2026-yil.
- ↑ „“Renessans” milliy mukofoti g‘oliblari aniqlandi“ (uz). Bright Uzbekistan (14-dekabr 2023-yil). Qaraldi: 4-oktabr 2026-yil.
- ↑ „Winners of the National Award “Renaissance” announced“ (en). Bright Uzbekistan (14-dekabr 2023-yil). Qaraldi: 4-oktabr 2026-yil.
- ↑ „“Oltin qalam” milliy mukofoti gʻoliblari taqdirlandi“ (uz). Yuz.uz (26-iyun 2026-yil). Qaraldi: 4-oktabr 2026-yil.
- ↑ „Bu yilgi “Oltin qalam” kimlarga nasib qildi?“ (uz). Uz24.uz (26-iyun 2026-yil). Qaraldi: 4-oktabr 2026-yil.