Оши но Ко
 | Бу мақолага бошқа бирорта саҳифадан
ишорат йўқ. (Май 2024) |
Оши но Ко (японча: 推しの子[3]) Ака Акасака томонидан яратилган японча манга тўплами бўлиб, Менго Ёкояри томонидан иллюстрация ишланган. Манга Шуэиша компанияснинг Wеэклй Ёунг Жумп журналида 2020-йилнинг апрелидан бери чиқарилмоқда ва бу манганинг боблари 2023-йилнинг июлидан бери 12 танкоубон жилдларида тўпланган. Манганинг Шимолий Америкада чоп этилиши Ен Пресс томонидан лицензияланди ва Шуэишанинг Манга Плус онлайн платформасида нашр этилди. Мангада воқеалар кетма-кетлиги шифокор ва унинг яқинда вафот этган беморининг машҳур япон поп юлдузининг эгизак фарзандлари сифатида қайта туғилиши ва эгизакларнинг улғайиши давомидаги ҳукуматнинг эстрада саноатидаги қийинчиликларни бошдан кечириши билан боради.
| Оши но Ко 推しの子 | |
|---|---|
 Аниме номининг японча канжидаги иллюстрацияси | |
| Жанри | Драма[1], Жумбоқ[2], Фантастик[1] |
| Муаллиф(лар) | Ака Акасака |
| Яратувчи(лар) | Менго Ёкояри |
| Овоз берганлар | Риэ Такаҳаши, Такео Ōцука, Юми Учияма, Юриэ Игома |
| Тематик мусиқа бастакори | ЙАОСОБИ |
| Бастакор(лар) | Такуроу Ига |
| Қисмлар бошидаги мусиқа | Юлдуз (японча: アイドル) |
| Қисмлар охиридаги мусиқа | Мепҳисто |
| Мамлакат |
 Япония |
| Тил | Японча |
| Қисмлар сони | 11 (Қисмлар рўйхати) |
| Ишлаб чиқариш | |
| Продюсер(лар) | Даисуке Ҳирамаки |
| Муҳаррир(лар) | Жин Танака |
| Эфирга узатилиши | |
| Телеканал | Токё МХ, CТC, ГТВ, СУН, КБС, БС11, СБС, ТВА, твк, ТВС, ГЙТ, МРО, КҲБ, ҲОМЕ, ТВҳ, ТВҚ, БСН, АТ-Х |
| Трансляция даври | 12-апрел 2023 |
Манга асосида ишланган аниме япон анимация студияси Дого Кобо томонидан яратилди ва илк 11 эпизоди 2023-йилнинг апрел-июн оралиғида эфирга узатилди. Анименинг иккинчи фасли эса яратилаётгани эълон қилинган. Шимолий Америкада эса Сентаи Филмwоркс номли студия аниме сериалнинг инглизча дубляж вариантини лицензиялади.
2023-йилнинг июлига қадар манга 12 миллион нусхадан ортиқ сотилди.
Воқеалар
Акушер-гинеколог Гороу Амамия шифохонада кўригига келган машҳур поп юлдузи Аи Ҳошинонинг эгизак фарзандларини дунёга келтиришига кўмак бериш биланшуғулланади. Аи Ҳошинонинг ҳомиладор экани унинг обрўсига путур етказмаслик учун оммадан сир тутилади. Бироқ Аининг туғруқ кунида Гороу (шифокор) Аининг мухлиси томонидан суиқасд қилинди. Шу кечаси Гороу Аининг эгизак фарзандларидан бири бўлиб реинкарнация (қайта туғилиш) қилди. Аммо унинг янги чақалоқ танасида аввалги ҳаётидан қолган хотиралари сақланиб қолган эди. Иккинчи эгизак эса, ўша кечада ўгир касалликдан вафот этган бемор аёл Сарина Тендоужи бўлиб, унинг ҳам олдинги ҳаётидан хотиралари сақланиб қолган эди. Шундай қилиб Аи эгизакларига Ақуамарине „Ақуа“ Ҳошино ва Рубй Ҳошино деб исмлар қўяди.
4 йилдан сўнг Гороуга суиқасд қилган мухлис Аининг ҳам жонига қасд қилади ва бу воқеадан сўнг ўзини ўлдиради. Ақуа бу воқеалардан сўнг бу қотилликлар унинг отасига боғлиқ эканлигини хулоса қилади ва отасини топишни ўз ҳаёти мақсадига айландиради, шундай сўнг у кино саноатига қадам қўйиб режаларини бошлайди.
12 йилдан сўнг, Ақуа ва Рубй юқори синф ўқувчилари бўлиб, Аи аввал ишлаган собиқ компания Страwберрй Продуcтионснинг эгалари Ичиго ва Мияко Саито томонидан боқиб олинган бўлишади. Рубйнинг болаликдан орзуси онасига ўхшаб поп юлдузи бўлиш эди ва шу туфайли ҳозирги оиласи эгалик қилаётган Страwберрй Продуcтионсда иш бошлайди. Рубй поп гуруҳи тузишга актриса Кана Арима ва блогер Мем-чони кўндиради. Бу вақтда эса Ақуа ҳам ўз актёрлик фаолиятини бошлаб юборганди. Ақуа ҳам, Рубй ҳам ўз карераларини қуришни бошлайдилар ва Ақуа актриса Акане Курокава билан янги қурган дўстлигидан отасини топиш учун восита сифатида фойдаланади.
Қаҳрамонлар
Асосий қаҳрамонлар
Аи Ҳошино
(японча: 星野 アイ, Ҳошино Аи)
Дубляж артисти : Реи Такаҳаши томонидан дубляж қилинган[4].
Аи Ҳошино машҳур ва жозибали поп юлдузи. Аининг болалигидан отасиз катта бўлган ва онаси ҳам кичиклигида қамоққа олинганди. У 12 ёшгача етимхонада яшаган ва шу ёшида уни Страwберрй Продуcтионс компанияси раҳбари Ичиго Саитоу юлдуз қилиш ичун қарамоғига олган. Аи ўзининг муҳаббатни ҳис қила олмаслиги учун юлдуз бўлишига ишонмасди. Ичиго эса унга ёлғонни ва мухлисларига уларни севишини алдаши ҳам яхши эканини тушунтирганди. Ва кейинчалик Аи Б-Комачи поп гуруҳининг юзига айланди. 16 ёшида Аи ҳомиладор бўлди ва бу ҳолатни у ўз бу фактни барча мухлисларидан яширишни афзал кўрди. Чҳақалоқларнинг ту’гилишидан кейин Аи ўз карерасини давом эттирди. Йигирма ёшида Аи ўз мухлиси томонидан ўз уйида пичоқланди. Ҳаётининг сўнгги лаҳзаларида, Аи ўз болаларини чиндан севганини, ниҳоят ҳақиқий муҳаббатнинг нима эканини тушуниб етганидан хурсанд бўлди. Аининг ўлими ўғли Ақуанинг ўз актёрлик карерасини бошлаб у орқали қасос олишига туртки бўлди. Аи Ҳошино исми япончадан таржима қилинса „юлдузли кўз“ маъносини беради ва бу унинг ва фарзандларининг кўзларида чақнаб турадиган 6 бурчакли юлдузларга ишора қилади.
Ақуамарине Ҳошино
(японча: 星野 愛久愛海, Ҳошино Акуамарин)/ Ақуа (японча: アクア, Акуа)
Дубляж артистлари: Такео Оцука (Ақуанинг ўсмир пайти), Юми Учияма (Ақуанинг болалиги), Кент Итоу (Гороу)[5].
Аслида ўттиз ёшлардаги акушер-гинеколог бўлган Гороу Амамия (японча: 雨宮 吾郎, Амамия Гороу), Аи Ҳошинонинг чин мухлисларидан бири эди ва Аининг фарзандларини дунёга келдиришида кўмак берди. Бироқ ўша тунда у жосус томонидан ўлдирилди ва Аининг ўғли бўлиб реинкарнация (қайта туғилиш) қилди, бу суиқасд ортидаги ҳақиқатни очишга онт ичди. Унинг фикрига кўра бу қотилликлар ортида унинг отаси тургани ва у кино индустриясида эканини тахмин қилди. Шунинг учун у актёр бўлишга қарор қилди.
Манбалар
- ↑ 1,0 1,1 Cолберт, Исаиаҳ „Ёур Спринг 2023 Аниме Гуиде: Wҳат То Wатч Анд Wҳере Ит'с Стреаминг“. Котаку (2023-йил 22-март). 2023-йил 13-апрелда асл нусхадан архивланган. Қаралди: 2023-йил 12-апрел.
- ↑ Маркле, Чристиан „Оши но Ко Ис а Wилд Мишмаш оф Генрес, Бут Ит Wоркс“. Cомиc Боок Ресоурcес (2023-йил 15-апрел). 2023-йил 16-майда асл нусхадан архивланган. Қаралди: 2023-йил 7-май.
- ↑ „жа:『【推しの子】』タイトルに付けられた【】の意味とは？ 1巻は伏線だらけ!!【ТСУТАЙАの名物企画人"仕掛け番長"のススメ】“ (жа). Цутая. Cултуре Cонвениэнcе Cлуб. 2023-йил 24-февралда асл нусхадан архивланган. Қаралди: 2023-йил 24-феврал.
- ↑ Матео, Алех „Оши но Ко Аниме Дебуц ин 2023 wитҳ 90-Минуте 1ст Эписоде“. Аниме Неwс Нетwорк (2022-йил 12-октябр). 2022-йил 12-октябрда асл нусхадан архивланган. Қаралди: 2022-йил 12-октябр.
- ↑ Ҳодгкинс, Cрйсталйн; Cаянан, Жоанна „Оши но Ко Аниме Ревеалс Теасер, Cаст, Април 2023 ТВ Дебут“. Аниме Неwс Нетwорк (2022-йил 11-декабр). 2022-йил 11-декабрда асл нусхадан архивланган. Қаралди: 2022-йил 11-декабр.
 | Бу мақола бирорта туркумга қўшилмаган. Илтимос, мақолага алоқадор туркумлар қўшиб ёрдам қилинг. (Май 2024) |