Otto Wallach

Отто Wаллач

БАЛЛАХ (Wаллач) Отто (1847. 27. 3, Кенигсберг — 1931. 26. 2, Гёттинген) — немис органик кимёгари. Бонн (1876-йилдан), Гёттинген университети профессори (1889— 1915). Асосий ишлари алициклик бирикмалар ва терпенлар кимёсига оид. У терпенлар синфига мансуб қатор бирикмалар (лимонен, фелландрен, терпинеол, фенхон, метилгептанон ва бошқалар)ни ажратиб олган ва уларнинг хоссаларини ўрганган, шунингдек, терпенларнинг изопренлар билан генетик боғланганлигини кўрсатиб берган (1891); алдегидлар ва кетонларнинг бирламчи ҳамда иккиламчи аминлар ва чумоли кислоталари билан қайтарилиб аминланиш реаксиясини кашф этган. Бундан ташқари, Баллах Германияда хушбўй моддалар ишлаб чиқарадиган корхона қуриш ташаббускорларидан бири бўлган. Бу кимёгар ҳам Нобел мукофоти лауреати (1910).