Ovoskop

Овоскоп (лот. овум — тухум ва юн. скопео — қарайман) — тухумнинг си-фати текшириладиган асбоб. У ичига электр лампочка ўрнатилган, тухум шаклидаги тешикли ғилофдан иборат. Тухум шу тешикка ўрнатилиб текширилади. Новларга қатор териб қўйилган тухумларни текшириш учун ёритувчи блокли О.-столдан фойдаланилади. Янги, соғлом тухум сариғи унинг мар-казида жойлашган бўлади. Инкубаторда очилтириладиган тухумларни танлашда, уларни биологик жихатдан назорат қилишда ҳам О.дан фойдаланилади.