Oysuluv

„Ойсулув“ — ўзбек халқ достони. Эргаш Жуманбулбул ўғлидан Ҳ. Зарифов ёзиб олган. Бош қаҳрамони Ойсулув — Турон мамлакатининг подшоси. Достон чуқур ижтимоий-сиёсий мазмунга бой бўлиб, унда халқнинг орзу-умидлари, ватанпарварлик туйғулари, босқинчиларга қарши кураши акс эттирилган. Ойсулув ўз халқи ва юртига содиқ, ватанпарвар, мард, жасур, курашда тенгсиз, душманга аёвсиз афсонавий қаҳрамон образидир.

Ойсулув Эрон подшоси — босқинчи Доро лашкарларига қарши қаҳрамонона жанг қилади ва уни тор-мор этади. Ойсулув Ўрта Осиё халқлари афсоналаридаги қаҳрамон аёл Тўмарис образини эслатади.