Ozodiy Davlatmamed

Ozodiy Davlatmamed (forscha: دولت محمد آزادى‎‎^[1]; turkmancha: Döwletmämmet Azady; 1700-yil — 1760-yil) — turkman shoiri va maʼrifatparvari. Mahtumqulining otasi. Turkman mumtoz adabiyotining yirik vakillaridan biri.

Hayoti

Avval eski maktabda, soʻngra Xiva madrasasida oʻqigan, arab, fors tillarini oʻrgangan, keyinchalik shu madrasada mudarrislik qilgan. U xalq ogʻzaki ijodini, Sharq adabiyotlari ulugʻ namoyandalari asarlarini chuqur oʻrgangan, ular taʼsirida kasida, ruboiy, gʻazallar yozgan. 6000 misrali „Vaʼzi Ozod“ nomli yirik ilmiy risola-dostoni (1753—1754) Ozodiy ijodida muhim oʻrin tutadi. Asar masnaviy usulda yozilgan boʻlib, 4 bobdan iborat. 1-qismida mamlakatda tartib oʻrnatish, 2-qismida qalʼa va saroylar qurish, 3-qismida jamiyatda fan va maorifning oʻrni, 4-qismida kambagʻallar va darveshlar toʻgʻrisida fikr yuritilgan. Asarda turkman qabilalarini birlashtirish, soliqlarni kamaytirish, kanallar oʻtkazish, yoʻl va koʻpriklar qurish kabi masalalar aks etgan^[2].

Manbalar

↑ Ashyrov, Annagurban. Analysis of Magtymguly's Manuscripts (in Turkmen). Ashgabat: Turkmen State Printing Service, 2014 — 174-bet.
↑ Fayl:National Encyclopedia of Uzbekistan logo.png „Ozodiy Davlatmamed“, Oʻzbekiston milliy ensiklopediyasi (O-harfi). Toshkent: „Oʻzbekiston milliy ensiklopediyasi“ Davlat ilmiy nashriyoti, 2000–2006-yillar.

Havolalar

Ushbu maqola çaladir. Siz uni boyitib, ZiyoSferaga yordam berişingiz mumkin.
Bu andozani aniqrogʻiga almashtirish kerak.

Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan.

[1] Ashyrov, Annagurban. Analysis of Magtymguly's Manuscripts (in Turkmen). Ashgabat: Turkmen State Printing Service, 2014 — 174-bet.

[2] Fayl:National Encyclopedia of Uzbekistan logo.png „Ozodiy Davlatmamed“, Oʻzbekiston milliy ensiklopediyasi (O-harfi). Toshkent: „Oʻzbekiston milliy ensiklopediyasi“ Davlat ilmiy nashriyoti, 2000–2006-yillar.

[1]

[2]