Pak Gvan Ok
| Пак Гван Ок | |
|---|---|
| Таваллуди |
1922-йил Хабаровск, Самир қишлоғи |
| Вафоти | Аниқ эмас |
| Фуқаролиги |
 СССР |
| Мукофотлари |
 |
Пак Гван Ок (1922-йил, Хабаровск, Самир қишлоғи – номаълум[1]) – Ўзбекистон ССР, Тошкент вилояти, Қуйи Чирчиқ туманидаги Будённий колхози аъзоси. Социалистик Меҳнат Қаҳрамони (1949-йил 18-май)[2].
Пак Гван Ок 1922-йилда Хабаровск ўлкаси ҳудудидаги Самир қишлоғида (бошқа маълумотларга кўра Красная Речка қишлоғида) туғилган[3]. Миллати корейс.
1937-йил кузида япон милитаристларининг Хитойга бостириб кириши натижасида. СССР ҳукумати Россиянинг Узоқ Шарқ ўлкаси ҳудудидаги аҳолини бошқа ҳудудларга кўчира бошлайди. Жумладан Пак Гван Ок ҳам 1937-йилда ўз қишлоғидаги бошқа корейслар билан биргаликда Ўзбекистон ССР Тошкент вилояти Қуйи Чирчиқ туманига кўчирилган[3].
Ўзбекистон ССРга кўчирилгач дастлаб Будённий (1962-йилдан „Коммунизм тонги“ деб номланган) номидаги колхозда дала ишчиси, кейин бригада аъзоси бўлиб ишлаган[3].
Пак Гван Ок жамоаси 1948-йилда 5 гектар ернинг ҳар гектаридан ўртача 86,6 сентнердан шоли олди. СССР Олий Совети Президиумининг 1949-йил 18-майдаги фармони билан „Колхозда барча турдаги мажбурий топшириқлар ва шартномаларни тўлиқ бажаргани, суғориладиган ерларда қишлоқ хўжалиги маҳсулотлари, шолидан юқори ҳосил олгани учун“ Социалистик Меҳнат Қаҳрамони унвони билан тақдирланган. Шунингдек, „1948-йилда МТС иши учун натура тўловлари ва 1949-йил баҳорги экинларни экиш учун тайёрлаш, уларни тўлиқ миқдорида уруғлик билан таъминлашдаги иштироки учун“ Ленин ордени ҳамда "Ўроқ ва Болға" олтин медали берилган[3][4].
1980-йилда Бутуниттифоқ социалистик танловидаги иштироки ҳамда Халқ хўжалиги ютуқлари Бутуниттифоқ кўргазмасида эришган ютуқлари учун у иккинчи бор Ленин ордени билан тақдирланган.
У 1990-йилларнинг охирида вафот этди[3].
Манбалар
- ↑ „Дмитрий Шин в Новой жизни и Солдатском“. www.корё-сарам.сите. Қаралди: 29-ноябр 2023-йил.
- ↑ „Герман Ким ( ВЭКС) Герой Социалистического труда Пак Гван Ок“. www.ёутубе.cом. Қаралди: 29-ноябр 2023-йил.
- ↑ 3,0 3,1 3,2 3,3 3,4 „Пак Гван Ок“. wарҳероэс.ру. 2022-йил 14-июлда асл нусхадан архивланган. Қаралди: 2022-йил 14-июл.
- ↑ „Герой Социалистического Труда Пак Гван Ок“. www.wарҳероэс.ру. Қаралди: 29-ноябр 2023-йил.