Ziyosfera

Pak In Bok

Pak In Bok (1922-yil 15-sentyabr, Nam-Proxori qishlogʻi, Iman tumani, Primorskiy viloyati, Uzoq Sharq Respublikasi – 1972-yil 7-avgust[1]) – Oʻzbekiston SSR Toshkent viloyati Quyi Chirchiq tumanidagi Mikoyan nomidagi kolxoz aʼzosi. Sotsialistik Mehnat Qahramoni (1951)[2][3].

Pak In Bok
Tavalludi 15-sentyabr 1922-yil
Nam-Proxori qishlogʻi, Iman tumani, Primorskiy viloyati, Uzoq Sharq Respublikasi
Vafoti 7-avgust 1972-yil(1972-08-07)
(49 yoshda)
Toshkent viloyati, Oʻzbekiston SSR
Fuqaroligi SSSR bayrogʻi SSSR
Mukofotlari

Hayoti

Pak In Bok 1922-yilda Primorsk viloyati, Imon tumani, Nam-Proxori qishlogʻida dehqon oilasida tugʻilgan. 1937-yilda Oʻzbekiston SSR Toshkent viloyatidagi maxsus posyolkaga surgun qilingan. Pak In Bok 1938-yilda Budyonniy kolxozidagi kichik maktabning 6-sinfini tamomlagan. 1939-yildan Oʻrta Chirchiq tumanidagi „Shimoliy mayoq“ kolxozida oddiy kolxozchi, keyin Yuqori Chirchiq tumanidagi „Politotdel“ kolxozida oddiy kolxozchi (1945—1947), 1950-yildan Quyi Chirchiq tumani Mikoyan kolxozining dala mudiri boʻlgan. Pak In Bok 1950-yilda oʻz kolxozida yuqori hosil olishdagi mehnati uchun Mehnat Qizil Bayroq ordeni bilan taqdirlangan.

1950-yilda Park In Bok jamoasi 4,3 gektar maydonning har gektaridan oʻrtacha 100,4 sentnerdan yashil kanop poyasi oldi. SSSR Oliy Kengashi Prezidiumining 1951-yil 17-iyuldagi farmoni bilan unga Lenin ordeni va "Oʻroq va Bolgʻa" oltin medali hamda Sotsialistik Mehnat Qahramoni unvoni berilgan.

Keyingi yillarda Quyi Chirchiq tumani Stalin nomidagi kolxozning rais yordamchisi (1951—1953), Quyi Chirchiq tumani Dimitrov nomidagi kolxozning oddiy kolxozchisi (1953—1961) sifatida mehnat faoliyatini olib bordi. Oʻrta Chirchiq tumani „Kommunizm“ kolxozi (1964—1965), Oʻrta Chirchiq tumanidagi „Polyarnaya zvezda“ kolxozida agronom boʻlgan (1960-yillarning oxirlarida).

1972-yil avgust oyida vafot etdi. Toshkent viloyati, Oʻrta Chirchiq tumani, Toʻytepa qishlogʻi qabristoniga dafn etilgan.

Mukofotlari

Adabiyotlar

  • Shin D. V., Sovetskie koreytsы Geroi Sotsialisticheskogo truda, Almatы: Service Press, 2019
  • Z. V., Pan N. G. Geroi Sotsialisticheskogo Truda — kazaxstantsы, Alma-Ata, 1969—1985, tt. 1-5
  • Men D. V., Kvon L. A., Kim, Sovetskie koreytsы Kazaxstana, Almatы, 1992
  • Kim P. G., Koreytsы Respubliki Uzbekistan, Tashkent: Uzbekiston. 1993
  • Kan G. V., Istoriya koreytsev Kazaxstana, Almatы: Gыlыm, 1995
  • Kim G. N., Men D. V., Istoriya i kulьtura koreytsev Kazaxstana, Almatы: Gыlыm, 1995
  • Kim B. I., Koreytsы Uzbekistana. Kto estь kto, Tashkent, 1999

Manbalar

  1. ↑ „Dmitriy Shin v Novoy jizni i Soldatskom“. www.koryo-saram.site. Qaraldi: 21-noyabr 2023-yil.
  2. ↑ „Geroy Sotsialisticheskogo Truda Pak In-Bok“. www.warheroes.ru. Qaraldi: 21-noyabr 2023-yil.
  3. ↑ YouTube logotipi German Kim (VEKS) Geroy Sotsialisticheskogo truda Pak In Bok YouTubeda
  4. ↑ „Spisok Geroev Sotsialisticheskogo Truda (Paap — Paщenko)“. www.znanierussia.ru. Qaraldi: 21-noyabr 2023-yil. 
"https://new.ziyosfera.uz/ziyo/Pak_In_Bok" dan olindi