Panpsixizm

Панпсихизм (пан... ва юн. псйче — руҳ, жон) — табиатни умуман жонли деб ҳисобловчи тасаввур. Панпсихизмнинг тарихий шакллари хилма-хил бўлиб, ибтидоий эътиқод бўлган анимизм ва юнон фалсафасидаги гилозоизмдан тортиб то руҳ ва психикани дунёнинг ҳақиқий моҳияти деб талқин этувчи ривожланган таълимот (Г.В.Лейбницнинг монада консепсияси, Г.Т.Фехнер, К.Г.Юнг ва бошқаларнинг фалсафий ғоялари)гача ўз ичига олади.