Ziyosfera

Parastu Ahmadiy

Parastu Ahmadiy (1997-yil 21-martda tugʻilgan) — eronlik sanʼatkor va xonanda[1]. U eron karvonsaroylaridan birida majburiy boʻlmagan hijob bilan ijro etgan Karvonsaroy kontserti, oʻzining YouTube kanalida jonli efirda namoyish etilib, keng omma eʼtiboriga sazovor boʻlgan[2][3].

Parastu Ahmadiy
پرستو احمدی
Tavalludi 1997-yil 21-mart (1997-03-21) (29 yosh)
Novshahr, Eron
Janrlar
  • Folklor musiqasi
  • Milliy Eron musiqasi
Cholgʻular Pianino

Hayoti va ijodi

Parastu Ahmadiy Soore universitetining kinorejissyorlik yoʻnalishini tamomlagan[1]. U 14 yoshida solfejio va vokal tayyorlov (xalq musiqasi va klassik musiqa boʻyicha) kurslarda oʻqiy boshlagan[4].

Qoʻshiq: „Vatan yoshlarining qoni“

2022-yilgi Eron norozilik namoyishlari chogʻida Parastu Vatan yoshlarining qoni qoʻshigʻini ijro etdi. Natijada 2023-yil oktabr oyida unga qarshi sud ishi ochilgan[5][6][7][8].

Ozodlik nafasi

2023-yil iyun oyida matni Fotima Dogohroniya tomonidan yozilgan „Ozodlik nafasi“ nomli qoʻshiq taqdim etildi. Parastu Ahmadiyning soʻzlariga koʻra, bu qoʻshiq „Ayol, Hayot, Ozodlik“ harakatiga bagʻishlangan. U uch oydan soʻng huquqiy taʼqibga duchor boʻlgan[1]. Tehron xavfsizlik sudi chaqiruvi va uning shaxsiy buyumlarining musodara qilinishi uning ijodiy faoliyatiga toʻsiqlar qoʻygan.

Karvonsaroy kontserti

2024-yil kuzida Parastu Ahmadiy Islomiy Eron Respublikasida majburiy hisoblangan islomiy hijob va hayo qoidalariga rioya qilmagan holda karvonsaroyda „Karvonsaroy kontserti“ni oʻtkazdi. Jonli ijro ijtimoiy tarmoqlarda keng muhokamalarga sabab boʻldi. U kontserti haqida shunday deb yozgan:[9]

Men, Parastu, sevgan xalqim uchun kuylamoqchi boʻlgan bir qizman. Bu — eʼtibordan chetda qoldirolmagan huquqim edi: juda ham sevgan yurtim uchun kuylash. Mana shu, tarix va afsonalar qorishgan jonajon Eronimizning shu nuqtasida, bu xayoliy kontsertda mening ovozimni eshiting va bu goʻzal vatanimizni tasavvur qiling…

Karvonsaroy kontsertida Parastu „Sar Kuye Dust“, „Aziz Jun“, „Kamar Borik“, „Maro Bebus“, „Lahze Didor“, „Cheh Sozam“ va „Az Xun-e Javonane Vatan“ kabi asarlarni ijro etgan. Unga pianinoda Ehsan Beyravgdar, gitara chalishda Suhayl Faqih-Nasiriy, barabanda Amin Tohiriy va bas gitara chalishda Amir Ali Pirniyo hamroh boʻlishgan[10].

Huquqiy chora-tadbirlar

Eron sud hokimiyati Parastu Ahmadiyga ruxsatsiz musiqa ijro etgani va „huquqiy hamda diniy meʼyorlarga amal qilmagani“ uchun qarshi huquqiy choralar koʻrilishini eʼlon qildi. Mizon axborot agentligi maʼlumotiga koʻra, ishtirokchilarga nisbatan sud ishlari ochilgan va tadbir bilan bogʻliq boshqa shaxslarga nisbatan ham chora koʻrilishi rejalashtirilgan[1]. 2024-yil 14-dekabr kuni Ahmadiy Mazandaron viloyatida hibsga olindi. Uning ikki nafar musiqachisi, Ehsan Birgʻidar va Suhayl Faqih Nasiriy ham qoʻlga olingani xabar qilindi[11]. 2024-yil 15-dekabr kuni esa Ahmadiyning advokati uning hibsga olinishi boʻyicha keng jamoatchilik noroziligidan soʻng ozod etilganini maʼlum qildi[12].

Hijob va poklik masalasi boʻyicha tashabbuskor deputat Bankipour Ahmadiyning hibsga olinishini qoʻllab-quvvatladi[13].

Manbalar

  1. ↑ 1,0 1,1 1,2 1,3 „Parastoo Ahmadi and the "Hypothetical Concert" at Caravanserai; The Judiciary Announces Legal Action“ (fa). BBC News Persian (2024-yil 12-dekabr). Qaraldi: 2024-yil 12-dekabr.
  2. ↑ „Parastoo Ahmadi's Concert Gains Attention; "Judicial Case Opened"“ (fa). Euronews (2024-yil 12-dekabr). Qaraldi: 2024-yil 12-dekabr.
  3. ↑ „Wide Reactions to Parastoo Ahmadi's Concert; "A Judicial Case Opened"“ (fa). Deutsche Welle. Qaraldi: 2024-yil 12-dekabr.
  4. ↑ „Who Is Parastoo Ahmadi?“ (fa). Ivna News (2024-yil 12-dekabr). Qaraldi: 2024-yil 12-dekabr.
  5. ↑ „Reactions to Parastoo Ahmadi's Concert; A Singer Performing Without Compulsory Hijab in Iran“ (fa). Radio Farda (2024-yil 12-dekabr). Qaraldi: 2024-yil 12-dekabr.
  6. ↑ „News Station; Saturday, 1 October 2023“ (fa). BBC News Persian. Qaraldi: 2024-yil 12-dekabr.
  7. ↑ „Confiscation of Parastoo Ahmadi's Personal Belongings by Government Agents“ (fa). IranWire. Qaraldi: 2024-yil 12-dekabr.
  8. ↑ „Continued Pressure on Javad Heydari's Family and Sentencing Protesters – 2 October 2023“ (fa). Deutsche Welle. Qaraldi: 2024-yil 12-dekabr.
  9. ↑ „Unprecedented Reception of Parastoo Ahmadi's Concert Without Compulsory Hijab in Iran“ (fa-IR). Radio Zamaneh (2024-yil 12-dekabr). Qaraldi: 2024-yil 12-dekabr.
  10. ↑ „A Voice from the Heart of History: Parastoo Ahmadi's Concert Without Hijab in the Heart of Iran“ (fa). VOA News (2024-yil 12-dekabr). Qaraldi: 2024-yil 12-dekabr.
  11. ↑ „Iranian singer Parastoo Ahmadi arrested after performing concert without hijab“. Euronews (2024-yil 14-dekabr). Qaraldi: 2024-yil 14-dekabr.
  12. ↑ Makoii, Akhtar. „Iran 'bows to pressure' to release singer who defied regime by performing solo without a hijab“. The Telegraph (2024-yil 15-dekabr). Qaraldi: 2024-yil 15-dekabr.
  13. ↑ „قانون حجاب در پی مقابله با برهنگی، بدپوششی و بی‌حجابی است؛ بدپوششی یعنی بدن‌نمایی، یعنی همان لباس خانم احمدی در کنسرت فرضی“ [The hijab law seeks to combat nudity, inappropriate clothing, and lack of veiling; inappropriate clothing means exposing the body, which is what Ms. Ahmadi wore at the hypothetical concert.] (fa). اعتمادآنلاین ('Trust Online') (2024-yil 17-dekabr). Qaraldi: 2024-yil 17-dekabr. 
"https://new.ziyosfera.uz/ziyo/Parastu_Ahmadiy" dan olindi