Paskal qonuni

Паскал қонуни — гидростатиканинг асосий қонуни. Паскал қонунига кўра, ташқи кучларнинг суюқлик сиртига берган босим таъсири суюқлик ичида барча йўналишлар бўйича бир хил узатилади, яъни ташқи кучларнинг суюқлик сиртига босими унинг ҳар бир нуқтасига ўзгаришсиз тарқалади. Бу қонунни 1653-йилда Б.Паскал аниклаган (1663-йилда эълон қилган). Паскал қонунидан техникада (хусусан, гидравлик прессда) кенг фойдаланилади.