Pavel Marakulin
Павел Павлович Маракулин (1937-йил 20-май, Горкий – 2017-йил 9-январ, Киров) – совет ва рус шоири, носири, журналисти. 1971-йилдан СССР Ёзувчилар уюшмаси аъзоси.
| Павел Маракулин | |
|---|---|
| Таваллуди |
Павел Павлович Маракулин 1937-йил 20-май |
| Вафоти |
2017-йил 9-январ Киров, Россия |
| Фуқаролиги |
|
Биографияси
1937-йил 20-майда Горкий шаҳрида автомобил заводининг ишчиси оиласида туғилган. Павел Маракулиннинг болалик даври Петрени қишлоғида ўтган, уруш пайтида эса Верходворе қишлоғидаги бувисиникида яшаган[1]. У Киров вилоятининг Мураши туманидаги Староверческая стансиясида етти йиллик мактабни тугатган. Ўрмон хўжалигида ишлаб, кечки ишчи ёшлар мактабида таҳсил олган, сўнгра Кировдаги ҳунар билим юртида ўқиган ва заводда электр монтажчиси бўлиб ишлаган. Совет армиясидаги хизматдан сўнг заводга қайтиб келган. Телевидение ва газетада фаолият юритган. Кейинчалик, Максим Горкий номидаги Адабиёт институтининг сиртқи бўлимига ўқишга кириб, уни тамомлаган. Иля Селвинскийнинг ижодий семинарида иштирок этган[2] .
1966-йилда Селвинскийнинг йўл-йўриқ сўзи билан „Снегири“ номли ше’рлар тўпламининг биринчи китоби чоп этилди. 1970-1980-йилларда унинг китоблари Киров, Горкий ва Москвадаги „Современник“ нашриётида („Дом под звёздами“ номли китоб ҳам шулар жумласидан) нашр қилинди. Шунингдек, лирик наср асарларини ҳам эълон қилди („Тихая родина“ тўплами).
1971-йилдан бошлаб СССР Ёзувчилар уюшмасининг аъзоси бўлган. 1981-йилда эса КПСС сафларига қўшилган[3].
1992-йилда „У медведя во бору“ номли қўзиқоринлар ҳақидаги китоб, 2007-йилда эса „За окнами Димково“ деб номланган танланган асарлар тўплами чоп этилди. Павел Павлович Маракулин йигирмага яқин ше’рий ва лирик наср китобларининг муаллифидир. Павел Маракулин „Дом на реке децтва“ китоби учун Н. А. Заболоцкий номидаги Бутунроссия мукофотига сазовор бўлган[4].
Манбалар
- ↑ „Юрьянская центральная районная библиотека им. С. И. Сычугова. Маракулин Павел Павлович“. 2018-йил 25-февралда асл нусхадан архивланган. Қаралди: 2018-йил 25-феврал.
- ↑ Литературний Киров: Писатели Вяцкой земли. – Киров: Кировскоэ отделениэ Волго-Вяцкого кн. изд-ва, 1972. – [Павел Павлович Маракулин]. С.50—52. – 64 с.
- ↑ Евгений Дмитриэвич Петряэв: Биобиблиографический указател. Госархив Кировской области. – Киров, 2005. – С. 48-49 [1981 год. О приёме П. П. Маракулина в члени КПСС].; 80 с.
- ↑ „Литературная премия Правительства Кировской области имени русского поэта Николая Заболоцкого“. 2021-йил 14-ноябрда асл нусхадан архивланган. Қаралди: 2018-йил 25-феврал.