Pechal
„Печал“ (русча: Печаль, яъни „Қайғу“) — „Кино“ совет рок мусиқа гуруҳи ижро этган қўшиқ. Гуруҳнинг 1989-йил эълон қилинган айни номли студиявий албомига саккизинчи трек ўлароқ киритилган. Шунингдек, қўшиқ Франсияда ёзиб олинган „Последний герой“ албомига ҳам киритилган.
| „Печал“ | ||||
|---|---|---|---|---|
| „Кино“ қўшиғи | ||||
| Звезда по имени солнсе албомидан | ||||
| Чиқарилган санаси | 1989 | |||
| Ёзиб олинган | 1988 | |||
| Жанр |
пост-панк Инди рок янги тўлқин Чамбер поп | |||
| Давомийлиги | 5:33 | |||
| Лейбл | Генерал Реcордс | |||
| Қўшиқ муаллиф(лар)и | Виктор Сой | |||
| Бастакор(лар) | Виктор Сой | |||
| „Звезда по имени солнсе“ хронологияси | ||||
| ||||
| Клипи | ||||
| „Печал“ ЁуТубеда | ||||
„Печал“ қўшиғи гуруҳ фаолиятининг сўнгги йилларидаги консертларда тез-тез ижро этилган. Тарона Валерий Леонтевга тегишли студияда ёзиб олинган. „Последний герой“ албомига кирган версия эса Франсияда ёзиб олинган.
Қўшиқ ёзилиши тарихи ҳақида продусер ва ёзувчи Олег Коврига хотираларидан маълум. Коврига 1980-йилларда квартираларда консертларни уюштирган. 1985-йилнинг январида Коврига Александр Несмелов уйида „Кино“ гуруҳи солисти Виктор Сой ва Майк Науменконинг консертини уюштирган.
Сой ва Науменко Несмеловнинг квартирасида консерт уюштиришди ва Витя [Виктор Сой] ҳамда уй эгаси ўртасида қуйидаги суҳбат бўлди: Витя сўради: „Салом, кимё! Ишларинг қалай?“ Саша жавоб берди: „Ҳаммаси яхши: уй турибди, чироқ ёниқ“. Сой деди: „О! Бу худди қўшиқ сўзлари каби…“ Бироз вақт ўтгач, „Кино“ репертуарида ушбу сўзлар билан композиция пайдо бўлди[1].
1989-йилда „Печал“ қўшиғи учун клип суратга олинган. „Звезда по имени Солнсе“, „Стук“ ва „Пачка сигарет“ қўшиқлари видеолари сингари „Печал“ қўшиғи клипи ҳам „Взгляд“ дастури гуруҳи томонидан ишланган. Бундан ташқари, қўшиқ жонли ижросининг бир нечта юқори сифатли видеоёзуви мавжуд. Бу кадрлар асосан 1990-йилга тегишли.
„Печал“ қўшиғини бир неча хонанда ҳамда мусиқий гуруҳ кавер қилган. Хусусан, „Ю-Питер“ гуруҳи ашулани ўз консертлари давомида ижро этган. „Кукриникси“ гуруҳи эса Сой хотирасига бағишланган „КИНОпроби“ (2000) албоми учун қўшиқни кавер қилган. Шунингдек, „Печал“ қўшиғини рус хонандаси „Земфира“ ҳам ижро этган[2].
Манбалар
- ↑ „Печаль – Виктор Цой“ (русча). Репродуктор. Қаралди: 26-июл 2022-йил.
- ↑ „Земфира - Печаль“. ЁуТубе (2013-йил 19-май). Қаралди: 2022-йил 26-июл.