Periderma

Перидерма (пери... ва юн. дерма — тери) — кўп йиллик ва баъзи бир йиллик ўсимликлар пояси ва илдизининг иккиламчи қопловчи тўқимаси. Пўкак, феллодерма ва феллогендан ташкил топган. Перидерма ҳужайралари сув ва ҳаво ўтказмайди; унда жойлашган ясмиқчалар орқали газ алмашинуви ва сув буғланиши рўй беради. Одатда, ўсимликларда бир неча Перидерма ҳосил бўлади; кейинги Перидерма олдингисидан ичкарирокда жойлашади. Вақт ўтиши билан ташки Перидерма ва улар ора-сидаги тўқималар ўлиб, қобиқ ҳосил қилади. Перидерма ўсимликни ноқулай ҳароратдан сақлайди, сувнинг ортиқча буғланишига имкон бермайди.