Peshavez

Пешавез (форс. — олд осилчоқ) — аёллар тақинчоғи. Аёллар кўйлагининг каштали жияклар тутиб безатилган олд ўйиғига тақилади. Шакли: тилла ҳал берилган кумуш қуббача ва унга осилган шокилалардан тузилган. Қуббача босма ёки кандакори усулида япроқлар, гул, ғунча каби ўсимликсимон нақшлар билан безатилган, баъзан гуллар орасига феруза кўзлар қадалган, қуббачанинг пастки четлари феруза кўзлар қатори билан ҳошияланган. П.нинг қуйи қисмига кўплаб узун занжирли шокилалар осилган; маржонли шокилалар орасида мўжаз тозалик асбоблари — тирноқ, қулоқ, тиш тозалагичлар, сурма-дон, кўзга сурма су-радиган чўп, атирдон, мўйчинак ва бошқа буюмлар ҳам бор. Ҳар бир осилган буюм босма усулида нақшлар, феруза гуллар, маржон мунчоклар ва зиғираклар билан зийнатланган. П.нинг бирмунча содда тури нақшланган тўғноғич ёки узук (ҳалка)дан иборат бўлиб, зарурий ашёлар унга осилган (П. чорабзал деб аталган). П. безагида эмал кам ишлатилган. ХИХ аср охирида урфдан қолган. Республика музейларида П. намуналари сақланади. ХХ аср охиридан заргарлар ижодларида П. шакл ва унсурларини қуллаб замонавий тақинчоклар яратмоқда.