Petr Atoyan stadioni
Petr Atoyan stadioni — Qozogʻistonning Oʻral shahrida joylashgan futbol stadioni. U Qozogʻiston Premyer-ligasida ishtirok etuvchi FK Aqjayiqning uy stadioni hisoblanadi va 1927-yilda ochilgan[1]. Stadion 8 320 tomoshabinga moʻljallangan[2].
| Toʻliq nomi | Petr Atoyan stadioni |
|---|---|
| Joyi | Oʻral, Qozogʻiston |
| Koordinatalari | 51°12′43″N 51°21′3″E / 51.21194°N 51.35083°E |
| Qachon ochilgan | 1927 |
| Qachon taʼmirlangan | 2003 |
| Egasi | FK Aqjayiq |
| Operator | FK Aqjayiq |
| Hajmi | 8 320 |
| Maydon egalari | |
| FK Aqjayiq | |
1996-yilda stadion Oʻralning faxriy fuqarosi Petr Atoyan sharafiga qayta nomlangan[3][1].
Tarixi
Stadion Qozogʻistondagi hozirgacha faoliyat yuritayotgan eng qadimiy stadion hisoblanadi. U 1927-yil 29-mayda shahar terma jamoasi va otliq askarlar polki jamoasi oʻrtasidagi uchrashuv bilan ochilgan. SSSR Oliy ligasi hamda keyinchalik Qozogʻiston chempionatlarida qatnashgan Oʻralning barcha futbol klublari oʻz uy uchrashuvlarini ushbu stadionda oʻtkazgan[4].
Stadionda shuningdek shahar va viloyat miqyosidagi yengil atletika musobaqalari oʻtkaziladi. Turli davrlarda bu yerda bandi, basketbol va gandbol boʻyicha turnirlar ham tashkil etilgan. Stadion mezbonlik qilgan eng yirik musobaqa 1998-yilda oʻtkazilgan Xalqaro xokkey federatsiyasi yoshlar oʻrtasidagi jahon chempionati boʻlgan[5].
Taʼmirlash
2003-yilda stadion rekonstruksiya qilindi. Yangilangan stadion dastlab xalqaro standartlarga muvofiq loyihalashtirilgan boʻlsa-da, keyinchalik bu qarordan voz kechildi. Hozirda stadionning maysali qoplami mamlakatdagi eng yaxshi maydonlardan biri hisoblanadi[5].
Manbalar
- ↑ 1,0 1,1 „Уральскому стадиону имени Атояна исполнилось 80 лет!“. sports.kz (2007-yil 25-may). Qaraldi: 2021-yil 25-iyun.
- ↑ „Map of Petr Atoyan Stadium“. footballgroundmap.com. Qaraldi: 2021-yil 25-iyun.
- ↑ „Сегодня исполняется 100 лет со дня рождения Петра Александровича Атояна“. korabel.ru (2015-yil 23-oktyabr). Qaraldi: 2021-yil 28-iyun.
- ↑ „Стадион имени П.Атояна“. turbina.ru (2011-yil 20-iyul). Qaraldi: 2021-yil 28-iyun.
- ↑ 5,0 5,1 „Наш стадион“. akzhajik.ucoz.kz (2012-yil 28-may). Qaraldi: 2021-yil 1-iyul.