Petr Atoyan stadioni
Петр Атоян стадиони — Қозоғистоннинг Ўрал шаҳрида жойлашган футбол стадиони. У Қозоғистон Премер-лигасида иштирок этувчи ФК Ақжайиқнинг уй стадиони ҳисобланади ва 1927-йилда очилган[1]. Стадион 8 320 томошабинга мўлжалланган[2].
| Тўлиқ номи | Петр Атоян стадиони |
|---|---|
| Жойи | Ўрал, Қозоғистон |
| Координаталари | 51°12′43″Н 51°21′3″Э / 51.21194°Н 51.35083°Э |
| Қачон очилган | 1927 |
| Қачон таъмирланган | 2003 |
| Эгаси | ФК Ақжайиқ |
| Оператор | ФК Ақжайиқ |
| Ҳажми | 8 320 |
| Майдон эгалари | |
| ФК Ақжайиқ | |
1996-йилда стадион Ўралнинг фахрий фуқароси Петр Атоян шарафига қайта номланган[3][1].
Тарихи
Стадион Қозоғистондаги ҳозиргача фаолият юритаётган энг қадимий стадион ҳисобланади. У 1927-йил 29-майда шаҳар терма жамоаси ва отлиқ аскарлар полки жамоаси ўртасидаги учрашув билан очилган. СССР Олий лигаси ҳамда кейинчалик Қозоғистон чемпионатларида қатнашган Ўралнинг барча футбол клублари ўз уй учрашувларини ушбу стадионда ўтказган[4].
Стадионда шунингдек шаҳар ва вилоят миқёсидаги енгил атлетика мусобақалари ўтказилади. Турли даврларда бу ерда банди, баскетбол ва гандбол бўйича турнирлар ҳам ташкил этилган. Стадион мезбонлик қилган энг йирик мусобақа 1998-йилда ўтказилган Халқаро хоккей федерацияси ёшлар ўртасидаги жаҳон чемпионати бўлган[5].
Таъмирлаш
2003-йилда стадион реконструксия қилинди. Янгиланган стадион дастлаб халқаро стандартларга мувофиқ лойиҳалаштирилган бўлса-да, кейинчалик бу қарордан воз кечилди. Ҳозирда стадионнинг майсали қоплами мамлакатдаги энг яхши майдонлардан бири ҳисобланади[5].
Манбалар
- ↑ 1,0 1,1 „Уральскому стадиону имени Атояна исполнилось 80 лет!“. спорц.кз (2007-йил 25-май). Қаралди: 2021-йил 25-июн.
- ↑ „Мап оф Петр Атоян Стадиум“. фоотбаллгроундмап.cом. Қаралди: 2021-йил 25-июн.
- ↑ „Сегодня исполняется 100 лет со дня рождения Петра Александровича Атояна“. корабел.ру (2015-йил 23-октябр). Қаралди: 2021-йил 28-июн.
- ↑ „Стадион имени П.Атояна“. турбина.ру (2011-йил 20-июл). Қаралди: 2021-йил 28-июн.
- ↑ 5,0 5,1 „Наш стадион“. акзҳажик.уcоз.кз (2012-йил 28-май). Қаралди: 2021-йил 1-июл.