Petrokimyo

Петрокимё — петрография {петрология) соҳасига оид фан, магматик тоғ жинслари ва жинс ҳосил қилувчи минералларда кимёвий элементларнинг тақсимланишини ўрганади. "Петрокимё" тушунчасини рус олими А. Н. Заварицкий таклиф эткан (1944). Петрокимё мустақил фан сифатида петрография ва кимё фанлари чегарасида вужудга келди. Тоғ жинслари табиий комплексининг кимёвий ўзига хос хусусиятларини қиёслаш йўли билан уларнинг турли-туманлиги сабаблари аниқланади, кимёвий таснифи тузилади. Петрокимё тадқиқотлари натижаларидан магматик ва кристаллизацион дифференсиация ҳодисаларини, ассимилясия жараёнларининг магматик комплексдаги жинслар мутаносиблигига таъсирини, руда ҳосил бўлиши билан магматизмнинг боғлиқлигини ўрганишда фойдаланилади.