Plakoid tangacha

Плакоид тангача (юн. плах - юза, пластинка ва эидос — кўриниш, шакл) — тоғайли балиқлар учун хос тангачалар. Мезодермада (эктодерма чегараси-да) ривожланади; эктодермани ёриб пих шаклида тана сиртига чиқади. Базал пластинка, бўйинча ва коронка, яъни пихдан иборат. Пихнинг учи орқага эгилган. Ҳар бир тангача ичида қон томирлари ва нёрвлар билан таъминланган бўшлиқ (пулпа) ёки бир неча пулпа найлари бўлади. Плакоид тангача дентиндан иборат; унинг учки қисми (пихи) кат-тик эмал билан қопланган. Ҳаёт давомида Плакоид тангача алмашиниб туради. Умуртқалилар эволюсиясида Плакоид тангача ганоид ва суяк тангачалар билан алмашинади. Умуртқалиларнинг тишлари Плакоид тангачадан ҳосил бўлган (яна қаранг Тангачалар).