Planula

Планула (лот. планус — ясси) — кўпчилик бўшлиқичлиларнинг 2 қаватли пелагик личинкаси. Тухумдан ривожланади ёки паренхимула даврини ўтади. Эпителийси эндодермада жойлашганлиги ва гастрал бўшлиғининг бўлиши билан паренхимуладан фарқ қилади. Эктодермаси ихтисослашган хивчинли эпителий ҳужайраларидан иборат. Гавда бўшлиғини эндодерма ўраб туради. П. бир неча вақт сувда сузиб юради; кейинроқ сув тубига ёпишиб олиб, полипга айланади. П. тубуллариялар ва трахимедузаларда актинула даврини ўтгач, вояга етади (яна қаранг Бўшлиқичлилар).