Platsenta
Плацента (лотинча: плаcента — кулча), бола ўрни — ҳомиладорлик даврида ҳосил бўладиган ва ҳомила билан она организмини бир-бирига боғлаб, улар ўртасида моддалар алмашинувини таъминлайдиган орган. Ҳомила Плацента орқали она қонидан кислород ҳамда озиқ моддалар олиб, унга парчаланиш маҳсулотлари ва карбонат ангидрид ажратади. Плацента ҳомилага ҳар хил моддалар келишини бошқариб, тўсиқ вазифасини ҳам ўтайди. Плацентада ферментлар ва витаминлар бўлади; унда она организмига таъсир этувчи гормонлар (гонадотропин, эстроген, прогестерон) ва бошқа моддалар синтезланади. Плацента ҳомиладорликнинг 4-ойида тўлиқ шаклланади: нормал ривожланган ҳомила Плацентаси юмалоқ, қалин, юмшоқ, шакли кулчага ўхшайди. Ҳомила Плацентага киндик ёки киндик тизимчаси орқали бирикади. Плацентанинг иккита юза-си: бачадон деворига қараган она юзаси (базал пластинка) ва ичкарига — амнион (ҳомила қопи) бўшлиғига қараган ҳомила юзаси бўлади. Киндик қон томирлар билан шу ҳомила юзасига би-рикиб туради. Плацента функсиясининг бузилиши ҳомиладорликда турли асоратлар-га, мас, боланинг чала туғилиши, Плацентанинг эрта ажралиши, ҳомиладорлик токсикозлари ва бошқаларга сабаб бўлади (яна қаранг Йўлдош).
Ўсимликлар Плацентаси гулли ўсимликларда уруғкуртакли тугунча ичидаги ўсимта; қирққулокдошларда спорангийли бўртма. Плацента орқали куртак она ўсимлик билан боғланиб туради.[1]
Яна қ.
Манбалар
 | Ушбу мақолада Ўзбекистон миллий энсиклопедияси (2000-2005) маълумотларидан фойдаланилган. |
 | Ушбу мақола çаладир. Сиз уни бойитиб, ЗиёСферага ёрдам бериşингиз мумкин. Бу андозани аниқроғига алмаштириш керак. |