Poliandriya

Полиандрия (поли... ва юн андрос — эр), кўп эрлилик — гуруҳли никоҳнинг камдан кам учрайдиган шакли, унда аёлнинг бир неча эри (одатда, ака-укалар) бўлади. Асосан, матриархат даврига хос. Бу даврда ҳар бир аёлнинг бир неча эри бўлган. П.да хотинлар эркин эр танлаганлар, эр-хотинлик, оила турғун бўлмаган. П.нинг асосий шакллари: 1) бир уруг авлодлари П.си (бир уруғ аъзолари бўлган эркаклар бир аёл ёки аёллар) га эр бўлади; 2) ака-ука (туғишган биродарлар) П.си (ака-ука бўлган бир неча эркак бир аёлга эр бўлади). Ака-ука П.сида катта аканинг хотини ҳамма укаларига хотин бўлади. Туғилган болалар ҳамма оталарники ҳисобланади. Оилага тегишли ер ва мулк болаларнинг энг каттасига мерос бўлиб қолади. ХИХ асрда алеутларда ва эскимосларнинг айрим гурухларида мавжуд бўлган; кейинчалик Шим. Ҳиндистон ва Тибетдаги айрим этнографик гурухдарда сақланиб қолган.